Kushangumuka 47:23 - Livulu lya Shukulu Kalunga

²³ Yosefa wendekele kuli vanu ngwendi, “Mwamono, njamilanda yeni amo na livu lyeni kupwa vya mwene. Tambuleni vimbuto evi mukakuve mu mahya eni.

Kushangumuka 47:23 Iomraidhean Croise

2 Kolinte 9:10

Co Njambi, uje mukakwana vimbuto vyakukuva na likende lyakulya, ikeye lalo akamyana vimbuto vyoshe vije munajeneka, co akavikulisa, akamyana kuteja vyavingi manene kutunda ku vungulu vweni.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Isaya 55:10

“Lijwi lyange linapu ngwe nyonzi ya vusuku-mbundu na nyonzi ije itunda kwilu nakujulisa asi aje akamene vimbuto vyakukuna, na vimbuto vya vinona vyakulya.

Muka-kwambulula 11:6

Kuna mbuto yove mutondo, co twalao nakupanga noo cingwezi. Iyajo azivuka? Amo vipangi vyove vikapwa vyakuvezika, na vimbuto vyove vikamena nakwima vyakulya.

Visimo 13:23

Mahya a tuutu mwasa kwija vimbuto vyavingi, oloni vaka-muuka vavitundisamo.

Visimo 12:11

Ndimi muka-kuundangana manene akakala na vyakulya vyavingi, oloni cinapu vulema kuviisila simbu a vyuma vyangoco.

Visimo 11:26

Vanu vakasingi munu uje omina vimbuto, oloni vashangazala uje avilandesa na ndando yaindondo.

Myaso 112:5

Navezika munu uje ali na ngozi, munu uje akumwisa vyendi kuli vakwavo, uje apanga na vushunga mu vipangi vyendi vyakulanda nakulandulula.

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Kushangumuka 45:6

Ou ukewo mwaka wamucivali wa njala ya lyangengela mu lifuti. Co kwacisala lalo myaka itanu yakujeneka kulima nambe kuteja.

Kushangumuka 41:27

Co vaje vingombe va lwavo vatanu na vavali vakukonya vatuukile mu ndonga akukotoka, na mitwe ya tiliku itanu na ivali yakwekwiya nakwenya na lihunzi lya ntwima lya mu mambo, vinapu myaka itanu na ivali ya njala ya lyangengela.

Kushangumuka 47:22

Livu lika lyasaleleo lije kalilandele, kuvanga livu lya vaka-kukombelela. Kucatavele ngeci valandese livu lyavo, omwo mwene wakele nakuvana vyakulya vinavapande ngeci vayoyeleo.

Kushangumuka 47:24

Oloni a simbu ya kuteja munapande kwana camucitanu kuli mwene. Co eyi mbuto ikasalao, na vyakulya vikevyo vikapwa vyeni na naanga yeni.”