Kushangumuka 46:3 - Livulu lya Shukulu Kalunga

³ Co wendekele ngwendi, “Yange njapwa Njambi, Njambi ya isho. Kesi uzive lyova lyakuya ku Ingito, omwo kuje njikatumisa vatekulwila vove kupwa muyati wakama.

Kushangumuka 46:3 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 15:13

Shukulu Kalunga wendekele kuli ikeye ngwendi, “Vatekulwila vove vakapwa vangenzi mu lifuti lya vungenzi, co vakapwa vinzinda kuje, vakavayandesa na muuka a myaka 400.

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 18:18

Vatekulwila vendi vakapwa muyati wakama wa nzili, co muli ikeye njikavezikisa miyati yoshe.

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

Kushangumuka 47:27

VaIsalele vakele mu Ingito mu lifuti lya Ngoshene, vafukile manene, co vakele na vana vavangi.

Kushangumuka 48:16

Kangelo, uje wanjipatwile kukuvulumuka kwoshe, avavezikise! Lizina lyange na lizina lya tate Avilahama na Isake liyoye ali vanike ava! Vakale na vana vavangi na vatekulwila vavangi!”

Kushangumuka 48:19

Oloni ishe wavyanene, wendekele ngwendi, “Njizivuka munange, yange njazivuka. Vatekulwila va Manase lalo vakakala na vanu vavangi. Oloni ndolome yendi wa mwanike akapwa wakama kumuhyana, co vatekulwila vendi vakapwa muyati wakama.”

Kutuuka 1:12

Nameme vaka-Ingito vayandesele manene vaIsalele, oloni vaIsalele vakitile manene nakushandokela mu lifuti mwoshe. Ngecivene, vaka-Ingito vakele na lyova ali vaIsalele.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Njelemiya 40:9

Ngendaliya wavalekele ngwendi, “Kesi muzive lyova akuliita kuli vaMbambilone. Tungeni mu lifuti lino, co pangeleni mwene wa Mbambilone, vyoshe vikakala mwamuvwa.

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

Vilinga vya Miluwa 7:17

“Oloni omo simbu ya cikumiiyo cije calikumiiye Njambi na Avilahama yakele muyehi, co vanu vetu vatumine manene mu Ingito.

Kwituluka mu Mashiko 1:10

Shukulu Kalunga Njambi yeni namitumisa manene. Co kengeni, ololo munapu muvavangi ngwe vingongonosi vya kwilu.

Kwituluka mu Mashiko 10:22

Omo vakukulwila veni vaile ku Ingito, vakevo vapwile lika makumi atanu na avali. Oloni ololo Shukulu Kalunga Njambi yeni namitumisa manene-nene ngwe vingongonosi vya mwilu.

Kwituluka mu Mashiko 26:5

Co mukendeka ku mesho Shukulu Kalunga Njambi yeni ngweni, ‘Kukulwila yetu wapwile kaAlama muka-kwendangana, watwalele naanga yendi ku Ingito nakukakalako. Vakevo vapwile vavandondo lika omo vaile, oloni vakelukile kupwa muyati wakama wa nzili manene.