Kushangumuka 42:9 - Livulu lya Shukulu Kalunga

⁹ Yosefa wanukile vije vinjozi vyalotele ali vakevo, co wendekele ngwendi, “Yeni munapu vaka-kunenga lifuti, ngeci muwane akukovelela.”

Kushangumuka 42:9 Iomraidhean Croise

Kushangumuka 37:11

Co vandolome vendi vamuzivilile cipululu, oloni ishe wanyungile vyuma evi mu mbunge yendi nakuviyongola.

Kushangumuka 42:16

Tumeni umo weni ngeci aye akamushake. Co yeni munasalao vakaminyungila mu kamenga noo kunasholoka vushunga ngwe omwo mulinakwendeka. Nga ngoconi, mwa vushunga ngwe mwayoya mwene, mwa vushunga vene yeni munapu tunenga va lifuti.”

Kushangumuka 42:34

Yeni mukashake mutinikila weni mumunene kuli yange. Asinoni njakuzivuke ngwange kuma kesi yeni vaka-kunenga lifuti, oloni munapu vanu va vushunga. Co njikamiilwisila ndolome yeni, ngeci mukapwe vaka-kulandulula mu lifuti lino.’ ”

2 Samwele 10:3

vantwama va vaAmoni vendekele kuli mwene ngwavo, “Kuma wayongola ngwove cinapu kasingimiko kuli isho omo Ndaviti natumu vanu vendi kuli yove nakukulilisa ndi? Kesi ngoco embwe! Navatumu kuno nakunenga nakwilula nganda, ngeci akatufungulule!”

Kutuuka 32:35

Ngecivene, Shukulu Kalunga watuminine vanu mushongo wakulitambwisa omwo vasindiiye Alone kuvamungila muna ngombe wa nkomba wa ngolinde.

Kulava 13:2

“Ku miyati eyi likumi na ivali angula ku muyati umo na umo ntwama umolika ngeci uvatume vakanenge lifuti lya Kanana, eli njilinakulyana kuli vanu va Isalele.”

Luka 20:20

Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

VaHevelu 11:31

Akukulaela, uje cikwizi Lahave kuvamutsiile amo na vaje vaka-kujeneka kwononoka Njambi, omwo ikeye watambwile mwamuvwa vaje vaka-kunenga ngwe vasamba.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Yoshwa 6:23

Ngecivene, vaje vanalume vanengele lifuti vakovelelemo vatuwisile Lahave, na ishe na vaina, na vandolome vendi, na naanga yendi yoshe. Co vavatuwisilemo voshe na naanga yendi yoshe na vindungo, vavaakele anja ya cilombo ca vaIsalele.

Maako 1:24

co vaje vaka-kunenga vamwene munu alinakutunda mu nganda, co vendekele kuli ikeye ngwavo, “Tumwese kwakukovelela mu nganda, co tukakulinga mwamuvwa.”

1 Samwele 26:4

watumine vaka-kunenga vakawane nga mwa vushunga Saulu ali kuje.