Kushangumuka 42:21 - Livulu lya Shukulu Kalunga

²¹ co valyendekesele akati kavo ngwavo, “Eyo, ololo tulinakuyanda ali vije vitwalingile kuli ndolome yetu. Twamumwene ali mu tuyando twakama manene omo watulombele ngeci tumukwase, oloni kutwamutolililile. Ngecivene, tuli mu tuyando otu ololo.”

Kushangumuka 42:21 Iomraidhean Croise

Kushangumuka 41:9

Asinoni mwata wakwana vinyu kuli mwene walekele mwene ngwendi, “Lelo njinanuka, njilitavela milonga yange.

Kushangumuka 44:16

Yunda wakumbulwileko ngwendi, “Vatijo twendeka kuli yeni, shukulu yange? Vatijo twasa kulinga vimata? Vatijo twasa kulisambesa yetu vavenya? Njambi nafukula a milonga yetu. Yetu voshe tunapu vindungo vove kesi lika ou ivanawana na nganja embwe.”

Kushangumuka 45:3

Yosefa wendekele kuli vandolome vendi ngwendi, “Yange Yosefa. Tate acili na kuyoya ndi?” Oloni vandolome vendi omo vazivile evi vakele na lyova manene lyakumukumbulula.

Kushangumuka 50:15

Munima ya kutsa kwa ishavo, vandolome va Yosefa vendekele ngwavo, “Vatijo nga Yosefa akatuzinda, nakutulinga shambandinga ku vije vitwamulingile?”

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

Visimo 21:13

Uje avyana kukwasa muka-kuutwa, nendi lalo kuvakamutolilila omo akatambeka ngeci vamukwase.

Visimo 28:17

Kesi ukwase munu uje muka-kutsiya, mwecele aye nakwendangana matangwa oshe akuyoya kwendi.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Mateo 7:2

Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

Mako 9:48

Muje mainyo amwo aje alinakuvalya kuwesi kutsa, na tuhya tuje tuvenyeka kutwesi kuzima.

Luka 16:28

kuje kuli vandolome vange vatanu. Aye akavanangule kutewa vaija kuno ku mwela wa tuyando twakama ngacije.’

Vilinga vya Miluwa 19:18

Co vaka-kukulaela vavangi vezile, valitavelele ku mesho a vanu, co vambulwile vije vivalingile.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

Maako 1:7

Co Andonimbezeki wendekele ngwendi, “Vimyene vakupwa 70 njavavatozwele manyetete a ku mavoko na ku mendi, vakevo vakele nakunona-nona vungululu vwa vyakulya mwisi ya mesa yange. Co ololo Njambi nanjilingi ngwe muje munjavalingile yange.” Co vamutwalele ku Yelusalema kuje kwakatsililile.