Kushangumuka 41:8 - Livulu lya Shukulu Kalunga

⁸ Alikaki mutondo wendukile nakwombwa, ngeci wasanene vaka-manseno voshe na vanalume vaka-mana va mu Ingito. Wavalekele vinjozi vyendi, oloni naumo wai wamunungulwililevyo.

Kushangumuka 41:8 Iomraidhean Croise

Kushangumuka 40:6

Omo Yosefa wezile kuli vakevo mutondo, wavawanene vanombwa.

Kushangumuka 40:8

Vamukumbulwile ngwavo, “Tunaloto oloni naumo wai asa kutunungulwila evi vinjozi.” Yosefa wavalekele ngwendi, “Njambi lika ikeye asa kunungulula vinjozi. Njilekeni vinjozi vyeni.”

Kushangumuka 41:15

Asinoni mwene wendekele kuli Yosefa ngwendi, “Njaloto njozi, co naumo wai nasa kunjinungulwilayo oloni njazivi ngwavo yove wasa kuyinungulula omo vakulekayo.”

Kushangumuka 41:24

Co mitwe ije yakwekwiya yaminine ije yakulongela mwamuvwa. Njalekele vinjozi vyange kuli vaka-manseno, oloni naumo wai wasele kunjinungulwilavyo.”

Kushangumuka 41:7

Ije mitwe yakwekwiya itanu na ivali yaminine ije mitwe itanu na ivali yakulongela mwamuvwa. Co mwene wakasumukile, wamwene ngeci kuma naloto njozi.

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Kutuuka 7:11

Asinoni mwene wasanene vanu vendi vaka-mana na vaka-manseno, na vimbanda va mu Ingito, valingile muje vene na manseno avo.

Kutuuka 7:22

Co na vaka-manseno va mwene valingile muje vene mwalingile Mosesa na manseno avo, mwene wakaluwisile mbunge yendi ngeci muje vene mwalaja. Ngwe muje mwendekele Shukulu Kalunga, mwene wavyanene kutolilila kuli Mosesa na Alone.

Kutuuka 8:7

Oloni na vaka-manseno vapangesele manseno avo, co na vakevo lalo vatuwisile mambotwe mu lifuti lya Ingito.

Kutuuka 9:11

Co vaka-manseno kuvasele kwimana ku mesho a Mosesa omwo mazimbo akele ali vakevo na ali vaka-Ingito voshe.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Ndanyele 1:20

Co mu vyuma vyoshe vya mana na vyakuzivisisa vije vyavehwile mwene, wavawanene ngeci vaje vakwenje vawana vakele na mana manene visimbu likumi kutuvakana vaka-kutaa nambe vaka-manseno va mu lifuti lyendi lyoshe.

Ndanyele 4:18

Mwene Nevukaneza wendekele ngwendi, “Eyi ikeyo njozi injalotele. Ngecivene, ololo Mbeletesezale, njileke muyinalumbunukila. Kukwesi umo muka-mana mu vumwene vwange asa kunjilekayo, oloni yove wasa, omwo munzinzime wakujela wa vinjambi uli muli yove.”

Ndanyele 4:19

Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Ndanyele 4:5

Oloni njalotele njozi ije yanjizivisile manene lyova, co njamwene vimona a simbu ije njalalele tulo.

Ndanyele 4:6

Ngecivene, njashikile vaka-mana voshe va mu Mbambilone ngeci vaije kuli yange vakunjileke muyinalumbunukila eyi njozi.

Ndanyele 4:7

Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Ndanyele 5:11

Kwali munalume umo mu vumwene vwove ali na munzinzime wakujela wa vinjambi. Omo isho wapwile mwene, munalume ou washolwele mana amavwa nakuzivisisa na mana ngwe mana a vinjambi. Co isho Mwene Nevukaneza wamupwisile mukulunu wa vaka-kulukiya, na vaka-manseno, na valozi, na vimbanda.

Ndanyele 7:28

Aa akeo anahwila majwi. Yange Ndanyele njakele na lyova manene, cihanga cange cafufutukile, co njanyungile majwi oshe awa mu mbunge yange.

Ndanyele 8:27

Co yange Ndanyele, njazeyele manene nakuvinja matangwa amo. Asinoni njendukile, co njapangele vipangi vya mwene vije vyanjikundikile, oloni njalikomokelele a cimona cije kunjasele kucizivisisa.

VaLevi 19:31

“Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 7:22

Co vamulongesele mana oshe a vaka-Ingito, co wapwile munalume wakama mukwendeka kwendi na mu vilinga.

1 Kolinte 1:19

Omwo visoneka vyendeka ngwavyo, “Njikanyongesa mana a vaka-kunyanyama, nakuzimangana mana a vaka-kulilongesa.”

1 Samwele 6:2

co vanu vasanene vaka-kukombelela na vaka-manseno, vavehwile ngwavo, “Vatijo tulinga na Cikasa ca Cikumiiyo ca Shukulu Kalunga? Nga tuciilwisa kuje kucakele, co tukaciilwisa mu ngila ikajo?”