Kushangumuka 41:43 - Livulu lya Shukulu Kalunga

⁴³ Wamwanene likalu lyamucivali lya vumwene ngeci endelemo, na vaka-kumunyunga va kasingimiko vaile kulutwe nakuleka vanu ngwavo, “Mutsikameneni! Mutsikameneni!” Co Yosefa wapwile mwata wakama mu lifuti lyoshe lya Ingito.

Kushangumuka 41:43 Iomraidhean Croise

Kushangumuka 41:42

Ngecivene, mwene watundisile kanzeya ka cizivukiso ca vumwene vwendi ku mulavo wendi, wakaakele ku mulavo wa Yosefa. Vamuzikile lalo cikoveyo cacilaja cacivwa ca linyu, co vamuzikile lalo lilyenge lya ngolinde mu mukoshi wendi.

Kushangumuka 41:44

Mwene wendekele kuli Yosefa ngwendi, “Yange njinapu nji mwene, naumo wai muno mu lifuti lyoshe lya Ingito akavyana kushika kwove.”

Kushangumuka 42:30

“Mwata wakama wa lifuti lya Ingito nendekele netu na vukalu nakututumbula ngwendi tunapu vaka-kunenga lifuti lyendi.

Kushangumuka 42:33

Co uje munu watukumbulwile ngwendi, ‘Njikamikulaela a ngila eyi, nga cili yeni mwapwa vanu va vushunga, umo weni asale nange kuno, co yeni mwasalao twaleleni tiliku vavushoko vweni valinakutsa ku njala, katukeni muye.

Kushangumuka 42:6

Yosefa wapwile mwata wakama mu lifuti lya Ingito, ikeye wakele nakulandesa tiliku kuli vanu voshe va mu kaye. Co vandolome va Yosefa vezile nakutsikama a mavuli nakulemesa ku mesho endi.

Kushangumuka 45:26

Yakomba vamulekele ngwavo, “Yosefa acili na kuyoya. Ikeye alinakushwana mu Ingito mwoshe!” Co Yakomba walingile ngwe alota, kavakulaelele.

Kushangumuka 45:8

Ngecivene, mwa vushunga kesi yeni mwanjitumine kuno embwe, oloni Njambi. Ikeye nanjipwisa mwata waakamwa ya vamyata va mwene, yange mukulunu wa lifuti lyendi lyoshe. Yange muka-kushwana Ingito yoshe.

Kushangumuka 50:18

Asinoni vandolome vendi vakevo vavenya vezile nakutsikama kuli ikeye ngwavo, “Tunaija ku mesho ove mukupwa vindungo vove.”

Kushangumuka 50:9

Vaka-makalu na vaka-tuvalu vaile amo na Yosefa, co yapwile mbunga yakama manene.

Esita 10:3

Molendekai kaYunda ikeye wapwile wamucivali ku vukama kwata kuli Mwene Sheleshe. Vamusingimikile nakumuzema kuli vavushoko vwendi vaYunda. Washakele kalesi yaivwa ya vanu vendi amolika na kwoloka kwa vatekulwila vavo.

Esita 3:2

Co mwene washikile vamyata voshe kusingimika Hamane kumutsikamena a mavuli nakumulemesa. Co voshe valingile ngacije, kuvanga lika Molendekai, ikeye wavyanene kulingamo.

Muka-kwambulula 4:14

Nameme yove kuwasemukilile ku naanga ya vumwene, oloni unapu u cinzinda nambe kautu, anga vene wasa kupwa mwene.

Ndanyele 2:48

Asinoni mwene waakele Ndanyele ku vukama, co wamwanene vwana vwavungi vwavuvwa, co wamushwanesele mu lifuti lyoshe lya Mbambilone, nakumupwisa mukulunu wa vaka-kunangula voshe va mu Mbambilone.

Vilinga vya Miluwa 7:10

nakumunyunga mwamuvwa mu tuyando twendi twoshe. Omo Yosefa washolokele ku mesho a mwene wa Ingito, Njambi wamwanene cifwa cakuvwaelelesa na mana, co mwene wa Ingito wapwisile Yosefa nguvulu wakushwana lifuti lyendi lyoshe amo na lipela lyendi.

Filipu 2:10

Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,