Kushangumuka 41:14 - Livulu lya Shukulu Kalunga

¹⁴ Ngecivene, mwene wasanene Yosefa, co vamutundisile mu kamenga vwasi-vwasi. Omo naliteula laja nakuzala vuzalo vweka, wezile ku mesho a mwene.

Kushangumuka 41:14 Iomraidhean Croise

2 Samwele 19:24

Asinoni Mefimboshete, mutekulu wa Saulu, wezile nakushesha mwene. Ikeye kajwelele ku mendi endi, nambe kuteula munjezi wendi, nambe kukusha vuzalo vwendi kutunda a simbu ije mwene watundile mu Yelusalema noo welukile nakushwana.

2 Vimyene 25:29

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi.

Esita 5:1

A litangwa lyamucitatu lyakulikela kulya, Esita wazalele vuzalo vwendi vwa vushano, co waile nakwimana mu cipango ca mukati ka lipela, kushungama ku mulili wa litanda. Mwene wakele mukati, watumbamene a litanda lya vumwene, kukengesa ku cikolo.

Kutuuka 10:16

Asinoni mwene wasanene vwasi-vwasi Mosesa na Alone wendekele ngwendi, “Njinalingi vuvi ku mesho a Shukulu Kalunga Njambi yeni na ku mesho eni.

Muka-kwambulula 4:14

Nameme yove kuwasemukilile ku naanga ya vumwene, oloni unapu u cinzinda nambe kautu, anga vene wasa kupwa mwene.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Ndanyele 2:25

Aje vene Alyoke watwalele Ndanyele kuli Mwene Nevukaneza, co walekele mwene ngwendi, “Njinawana umo cinzinda wa ku Yunda uje asa kulumbununa njozi yove shukulu.”