Kushangumuka 4:7 - Livulu lya Shukulu Kalunga

⁷ Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

Kushangumuka 4:7 Iomraidhean Croise

Kushangumuka 19:21

Kangelo wamukumbulwile ngwendi, “Mwamuvwa njatava, kunjikanyongesa ije nganda.

Kushangumuka 3:16

Shukulu Kalunga Njambi wendekele kuli munakazi ngwendi, “Njikaamesa manene mushongo a simbu yove yakukita, mwa vushunga vene ukakita vana mu vukalu. Nameme ngoco, cizango cove cikakala kuli munalume wove, ikeye akakushika.”

2 Samwele 24:23

Alauna waanene vyoshe vije kuli mwene, co wendekele kuli ikeye ngwendi, “Shukulu Kalunga Njambi yove atambule n̄ombelo yove.”

2 Vimyene 8:28

Mwene Ahaziya walipandakaanene na Mwene Njolame wa mu Isalele mu nzita kulwisa Mwene Hazayele wa Silya. Co valwililile nzita ku Lamote mu Ngilyande, Njolame wavetwele mu nzita.

Yombi 11:14

Tundisa vuvi na kupenga-penga ku njuvo yove.

Yombi 11:15

Mwa vushunga asinoni ukandula mesho ove shwamwa, co ukemana mbe kwa lyova.

Yombi 29:4

Ngwe muje njakele mwamuvwa a matangwa a vutukuka vwange, co vusamba vwange na Njambi vwanyungile limbo lyange.

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Visimo 18:5

Kesi mwamuvwa kusingimika muka-mulonga, nambe kuvindika munu wa mulonga ngeci kesi awane vuvwa.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Malakiya 1:13

Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Malakiya 1:8

Omo munena cimuna wa kutsa mesho, nambe wakuvinja, nambe cilema, mukukombelela kuli yange, kuma muyongola ngeci munalingi mwamuvwa ndi? Nga ngoco acesekeni kwana cimuna wa cifwa cangacije kuli nguvulu! Kuma akavwaelela neni nambe kumishangazala ndi?”

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

1 Timateo 5:4

Oloni nga fwile ali na vana nambe vatekulu, vanapande akulivanga vanapande kulilongesa kupanga vipangi vyakukulalela kwavo ku naanga yavo, co mu ngila eyi vakevo lalo vanapande kukwasa visemi vavo na vakukulwila vavo, omwo omu mukemwo mukavwaelelesa Njambi.

VaHevelu 11:4

Akukulaela, Avele wakombelelele kuli Njambi n̄ombelo yakutuvakana ya Kaine. Akukulaela kwendi watambwile vukaleo vwavuvwa kuli Njambi ngeci ikeye munu muka-vushunga, omwo Njambi vavenya watavele vwana vwendi. Ngecivene, akukulaela kwa Avele, nambe watsa laja, oloni acili nakwandeka.

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.