Kushangumuka 4:17 - Livulu lya Shukulu Kalunga

¹⁷ Kaini wakele amo na munakazi wendi, co vakitile mwana wa munalume, vamulukile lizina lyendi Inoke. Co Kaini watungile limbo nakuliluka lizina lya munendi Inoke.

Kushangumuka 4:17 Iomraidhean Croise

Kushangumuka 11:4

Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

Kushangumuka 4:16

Kaini waile, watundile ku mesho a Shukulu Kalunga, wakakele mu lifuti lije vatumbwile ngwavo “Kwendangana” lyakele mu ngangela ya Endeni.

Kushangumuka 4:18

Inoke wakitile munendi wa munalume wamulukile lizina lyendi Ilande, wapwile ishe ya Mehunjaele, co Mehunjaele wakitile munendi wa munalume wamulukile lizina lyendi Metusaele, uje wapwile ishe ya Lameki.

Kushangumuka 5:18

Omo Njalende wakele na myaka 162 wakitile mwana wa munalume lizina lyendi Inoke.

Kushangumuka 5:22

Omo wakitile Matusela, Inoke wendele na kulitombola na Njambi a myaka 300. Co wakitile lalo vana vakwavo va vanalume na ava va vanakazi.

2 Samwele 18:18

Omo Avisalome wakele nakuyoya, walitungilile limanya lya canukiso cendi vavenya mu Cana ca Mwene, omwo ikeye kakele na mwana wakushwana lizina lyendi. Ngecivene, walukile limanya lije lizina lyendi, na ku litangwa lya lelo vacili nakulitumbula ngwavo Limanya lya Avisalome.

Myaso 49:11

Vimbumbo vyavo vikevyo membo avo a ku myaka yoshe, kuje kukekwo kuvakatumbama simbu yoshe, nameme laja vakele na lifuti lyavo.

Myaso 49:12

Vukama vwa munu kuvwasa kumuvindika kutsa, ikeye akatsa vene ngwe muvakatsi tusitu.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”