Kushangumuka 39:11 - Livulu lya Shukulu Kalunga

¹¹ Oloni litangwa limo omo Yosefa wakovelele mu njuvo nakupanga vipangi vyendi, muje mu njuvo kumwakele vanu vai.

Kushangumuka 39:11 Iomraidhean Croise

Kushangumuka 39:10

Nameme ikeye wakele nakwihula Yosefa a litangwa na litangwa, oloni Yosefa wavyanene kusimutwiya nendi.

Kushangumuka 39:12

Co munakazi wa Potifalo wamukwatele ku cikoveyo cendi cacilaja wendekele ngwendi, “Ija tusimutwiye nange.” Oloni Yosefa wapusunukile nakutewela anja, co wasezele cikoveyo cendi mu livoko lyendi.

Yombi 24:15

Co muka-vupangala avandamena lyezi, co alifwika ku mesho ayongola ngwendi naumo wai asa kumumona.

Visimo 9:17

“Mema akwiva apwa amavwa manene, na likende lyakulila mu vushweke lyapwa lyalivwa manene.”

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Efeso 5:12

(Mwa vushunga, nambe kwendeka vyuma vivalinga mu vushweke vinena shwamwa.)

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.