Kushangumuka 38:5 - Livulu lya Shukulu Kalunga

⁵ Co wakele na kafumba lalo, wakitile mwana wa munalume lizina lyendi Shela. Yunda wakele ku Akezimbe omo mwana ou wasemukile.

Kushangumuka 38:5 Iomraidhean Croise

Kushangumuka 38:11

Asinoni Yunda wendekele kuli vainamweno Tamale ngwendi, “Iluka ku njuvo ya isho mu vufwile vwove noo munange wa munalume Shela nakolo.” Wendekele ngeci omwo ikeye wakele na lyova ngwendi amo Shukulu Kalunga akatsiya Shela ngwe mwanatsii vandolome vendi. Ngecivene, Tamale welukile ku njuvo ya ishe.

Kushangumuka 38:26

Co Yunda wavizivukile, wendekele ngwendi, “Mwa vushunga yange njazimbala, njapandele kumushombwesa kuli munange Shela.” Co Yunda kalimwene nendi lalo.

Kushangumuka 38:6

Yunda wambatelele munendi wa ntwatwa Ele munakazi lizina lyendi Tamale.

Kushangumuka 46:12

Vana va Yunda va vanalume mazina avo, Ele, na Onane, na Shela, na Peleze, na Zela. (Oloni Ele na Onane, vatsililile mu Kanana.) Vana va Peleze va vanalume mazina avo, Hezelone na Hamule.

1 Mizimbu 2:3

Yunda wakele na vana vendi vatanu. Co kuli munakazi wendi Mbateshuwa, wa ku Kanana wakitilileko vana vatatu mazina avo, Ele, na Onane, na Shela. Co munendi wa ntwatwa, Ele, walingile vuvi manene ngeci Shukulu Kalunga wamutsiile.

1 Mizimbu 4:21

Co Shela wapwile mwana umo ku vana va Yunda. Vatekulwila vendi kupandakanako Ele, ikeye watungile limbo lya Leka. Co Laande, ikeye watungile limbo lya Malesha, cikota ca vaka-kutonga, vaje vakele mu limbo lya Mbete Ashevea.

Kulava 26:19

Ele na Onane vapwile vana va Yunda, oloni vatsililile mu Kanana.

Kulava 26:20

Vatekulwila va Yunda kupwisa ku cikota cavo vapwile ava. Ku cikota ca Shela, kwatundile vaShela. Ku cikota ca Peleze, kwatundile vaPelezi. Ku cikota ca Zela, kwatundile vaZela.