Kushangumuka 32:5 - Livulu lya Shukulu Kalunga

⁵ Co yange njili na vingombe, na vimulu, na vimanga, na vimembe, na vindungo va vanalume na ava va vanakazi. Njituma lijwi kuli yeni mwane ngwange munjitetele ngeci munjitambule.’ ”

Kushangumuka 32:5 Iomraidhean Croise

Kushangumuka 30:43

Mu ngila eyi vene, Yakomba wafukile manene. Wakele na matanga amangi, na vindungo va vanalume, na ava va vanakazi, na tumelo, na vimulu.

Kushangumuka 31:16

Co vufuko vwoshe ovu Njambi navutundisa kuli tatetu vunapu vwetu na vana vetu. Ngecivene, yove linga lika evi vyanakuleka Njambi.”

Kushangumuka 31:3

Ngecivene, Shukulu Kalunga wendekele kuli Yakomba ngwendi, “Iluka ku lifuti lya isho na kuli vavushoko vwove. Yange njikakala amo nove.”

Kushangumuka 33:11

Mwane, tambuleni vwana ovu njinaminenela omwo Njambi nanjitetela, nakunjana vyuma vyoshe evi njilinavyo.” Co Yakomba wamusindiiye noo Isau wavutambwile.

Kushangumuka 33:15

Co Isau wendekele ngwendi, “Mwamuvwa njikusezele vamo vanu vange.” Oloni Yakomba wamukumbulwile ngwendi, “Embwe, kucitava, njishaka lika kuwana kutetela ku mesho ove.”

Kushangumuka 33:8

Co Isau wamwihwile ngwendi, “Aje matanga njaliwana nawo avikajo? Eci cinanunguluka vika?” Yakomba wamukumbulwile ngwendi, “Cinanunguluka ngeci njiwane kutetela ku mesho a shukulu yange.”

Kushangumuka 47:25

Vamukumbulwile ngwavo, “Unatwovola. Unalingi mwamuvwa kuli yetu shukulu. Tukapwa vindungo va mwene.”

2 Samwele 16:4

Co mwene wendekele kuli Ziva ngwendi, “Vyuma vyoshe vije vyapwile vya Mefimboshete ololo vinapu vyove.” Co Ziva wamukumbulwile ngwendi, “Njakandelelako, yange ngamba yove shukulu, njiwane kutetela ku mesho ove, shukulu mwene!”

Yombi 6:22

Yange njamilombele ngeci munjane vwana? Nambe ku vufuko vweni mwambateko vwana munjilingileko lizika-kanwa?

Luka 12:45

Oloni nga ikeye napu ngamba wamuvi endeka mu mbunge yendi ngwendi shukulu kaija vwasi, co ashangumuka kupupanga vakwavo vangamba va vanalume na ava va vanakazi, co alya nakunwa nakupenda,

Lute 2:2

A litangwa limo Lute muka-muyati wa Mowavi wendekele kuli Naumi ngwendi, “Njitave njiye ku mahya njikapupulule vimbuto vya vinona vivanaseze munima amo njikawana akanjizivilako mema ku mbunge.” Naumi wamukumbulwile ngwendi, “Mwamuvwa munange ya.”

1 Samwele 1:18

Co Hana wamukumbulwile ngwendi, “Njiwane kutetela ku mesho ove simbu yoshe.” Co waile, wakalile vyakulya, co kombwele lalo ku mesho endi.