Kushangumuka 32:4 - Livulu lya Shukulu Kalunga

⁴ Co wavashikile ngwendi, “Mukamuleke shukulu yange Isau ngweni, ‘Yange Yakomba ngamba yove, njakakele kuli Lambani, co njakeshwalele manene kuje, ololo njilinakwiluka.

Kushangumuka 32:4 Iomraidhean Croise

Kushangumuka 23:6

“Tutolilileni mwane. Yove unapu u ntwama wakama akati ketu, tsinda munakazi wove mu mbumbo yaivwa manene eyi tulinayo. Naumo wai asa kuvindika mbumbo ngeci kesi utsindemo munakazi wove.”

Kushangumuka 25:30

co wendekele kuli Yakomba ngwendi, “Njinatsi njala, njaneko vyakulya ovyo vyakuvenguluka.” (Omu mukemwo valukile Isau lizina lya Endome.)

Kushangumuka 27:29

Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

Kushangumuka 27:37

Isake wamukumbulwile ngwendi, “Kenga, njinapwisa laja Yakomba shukulu yove, co njinapwisa vavushoko vwove voshe kupwa vindungo vendi. Njinamwana vimbuto na vinyu. Co ololo nacimo cai njasa kulinga kuli yove munange!”

Kushangumuka 31:41

Vyuma evi vyakele nakulingiwa a myaka yoshe makumi avali ije njakele kuli yove. A myaka likumi na iwana njapangele ngeci unjane vana vove vavali, na myaka itanu na umo njapangele kuli yove ngeci unjane vimembe na vimanga. Nameme ngoco, a simbu yoshe ije, yove wakele nakutengulula-tengulula fweto yange.

Kushangumuka 32:18

Co munapande kumukumbulula ngweni, ‘Vinapu vya ngamba yove Yakomba. Ikeye navitumu kupwa vwana kuli shukulu yendi Isau, na ikeye vene Yakomba alinakwija munima yetu.’ ”

Kushangumuka 32:5

Co yange njili na vingombe, na vimulu, na vimanga, na vimembe, na vindungo va vanalume na ava va vanakazi. Njituma lijwi kuli yeni mwane ngwange munjitetele ngeci munjitambule.’ ”

Kushangumuka 33:14

Shukulu, livangeni kulutwe, yange njija kamandondo munima, njikenda ngwe munjinasela na vimuna na vanike noo njikamiwana mu Endome.”

Kushangumuka 33:8

Co Isau wamwihwile ngwendi, “Aje matanga njaliwana nawo avikajo? Eci cinanunguluka vika?” Yakomba wamukumbulwile ngwendi, “Cinanunguluka ngeci njiwane kutetela ku mesho a shukulu yange.”

Kushangumuka 36:8

Ngecivene, Isau wakele mu lifuti lya malundu mu Endome.

Kushangumuka 36:9

Ava vakevo vatekulwila va Isau, kukulwila ya vaEndome.

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

1 Vimyene 20:32

Ngecivene, vakevo vazalele vikeleya vyakuzengeleka mu vimbunda vyavo, na mikole yakuzengeleka mikoshi yavo, co vaile kuli Ahave nakwendeka ngwavo, “Ngamba yove Mbenehandande naliiti kuli yove umuyoyese.” Ahave wakumbulwile ngwendi, “Kuma naololo acili nakuyoya ndi? Mwamuvwa! Ikeye napu ngwe ndolome yange!”

Kutuuka 32:22

Alone wamukumbulwile ngwendi, “Shukulu kesi unjiluvalese embwe. Wazivuka kukaluwa kwa ava vanu omo vakalingi vuvi.

Visimo 15:1

Kukumbulula kwakuvwa kwolwesa vukalu, oloni lijwi lyakuvavalesa mbunge, lishangumuna vukalu.

Visimo 25:15

Akupwa munu wakusimpa wasa kusindiya mwene, co lijwi lyakwendeka na cizemo likamanesa vukalu.

Visimo 6:3

Nga unalingimo munange, co yove uli mu mavoko a uje munu, oloni eyi ikeyo ngila yakutundamo, unapande kuya kuli ikeye, likeese nakumulomba ngeci akusambese.

Muka-kwambulula 10:4

Nga muka-kushwana akuluvalesa kesi utunde vipangi, nga ulikeesa kuli ikeye, co akakusambesa ku milonga yove.

Isaya 21:11

Awa akewo majwi aa Endome. Kuli munu umo alinakutambeka kuli yange mu Endome ngwendi, “Muka-kunyunga, simbu mukajo kukya? Njileke nga kukya vwasi.”

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

1 Petulu 3:6

Sala walingile eci, wononokele kuli Avilahama nakumutumbula shukulu yendi. Co yeni ololo munapu mu vana vendi va vanakazi nga mulinga mwamuvwa kujeneka kuzivila lyova cuma cimo.

Maako 5:4

Omo Shukulu Kalunga watundile ku minkinda ya ku Seila, omo watundile mu lifuti lya vaEndome, kaye kajajele, na nyonzi yanyokele kutunda mwilu. Eyo, mema atundile mu mashelwa etikile.

1 Samwele 26:17

Saulu wazivile lijwi lya Ndaviti, co wehwile ngwendi, “Yove munange Ndaviti ndi?” Co Ndaviti wamukumbulwile ngwendi, “Eyo, yange vene, shukulu.”