Kushangumuka 32:30 - Livulu lya Shukulu Kalunga

³⁰ Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Kushangumuka 32:30 Iomraidhean Croise

Kushangumuka 16:13

Hangale walyendekesele ikeye vavenya ngwendi, “Mwa vushunga njinamono Njambi oku njiciyoya!” Ngecivene, Hangale watumbwile Shukulu Kalunga uje wendekele kuli ikeye ngwendi, “Ou napu Njambi Muka-kumona.”

Kushangumuka 28:19

Ngecivene, walukile mutambela uje Mbetele. Oloni akulivanga lije limbo valitumbwile ngwavo Luze.

Kushangumuka 35:9

Omo Yakomba watundile ku Mesopotamya, Njambi walisholwele kuli ikeye lalo, co wamuvezikisile.

1 Vimyene 12:25

Mwene Yelovowame wa mu Isalele wasitile cimpaka ca limbo lya Shekeme mu lifuti lya malundu lya Efalime, co wakele kuje kasimbu lika. Asinoni watundileko, co wakasitile cimpaka ca limbo lya Penwele.

Kutuuka 33:14

Shukulu Kalunga wendekele ngwendi, “Yange vavenya njikaya amo nove, co njikakuhyanesa.”

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Isaya 9:5

Vin̄aku vya mashwalale va nzita na vuzalo vwavo vuje vunaviya na maninga vakavyenyeka na tuhya.

Kulava 12:8

Co njikendeka nendi citona-mesho kesi mu tusau embwe, na ikeye namono laja cifwa cange! Omwo vikajo kumwesi na lyova akufweya ngamba yange Mosesa?”

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Kwituluka mu Mashiko 34:10

Co tunde aje kukwakele lalo muka-kwimanena weka mu Isalele wakulifwa ngwe Mosesa wai, omwo Shukulu Kalunga wendekele kuli ikeye mesho na mesho.

Kwituluka mu Mashiko 5:24

vendekele ngwavo, ‘Shukulu Kalunga Njambi yetu natumwesa vukama vwendi na vumpau vwendi omo tunazivi lijwi lyendi alinakwendeka mukati ka tuhya! Co lelo oni twamono ngeci ngwetu kuma munu asa kuyoya nameme Njambi endeka kuli ikeye.

Kolose 1:15

Kilistu ikeye napu cifwa ca Njambi uje kutwasa kumona. Ikeye Mwana wa ntwatwa, mutwe wa vyuma vyoshe vyakutanga.

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

VaHevelu 11:27

Akukulaela, Mosesa watundile mu Ingito kakele na lyova lyakutewa vukalu vwa mwene. Nambe ngwe namono laja Njambi uje kutwasa kumona, co wavyanene kwilukilako.

Yoshwa 5:13

Omo Yoshwa wakele kuyehi na Yeliko, wandwile mesho endi, co wamwene munu nemana kulutwe lwendi, nakwata mukwale mu livoko. Ngecivene, Yoshwa waile kuli ikeye nakumwihula ngwendi, “Yove unapu umo wa mashwalale vetu indi u citozi?”

Maako 13:17

Co Manowa wamwihwile ngwendi, “Tuleke lizina lyove, ngeci tukusingimike omo majwi ove akapwa a vushunga.”

Maako 13:18

Co kangelo ka Shukulu Kalunga wamwihwile ngwendi, “Omwo vikajo ushaka kuzivuka lizina lyange? Likelyo lyapwa lizina lyakukomokesa.”

Maako 8:17

Co ikeye lalo wasiwile kaposhi ka Penyele nakutsiya vanalume va muje mu nganda.

Maako 8:8

Co Ngilyone waile ku Penyele, wendekele cuma cimo ngwe cije wendekele kuli vanalume va ku Sukote, oloni vanalume va ku Penyele vamukumbulwile ngwe muje muvamukumbulwile vanalume va ku Sukote.