Kushangumuka 32:13 - Livulu lya Shukulu Kalunga

¹³ Ngecivene, Yakomba walalele kuje vutsiki vuje. Co waangwile ku vyuma vije vyakele navyo kupwa vwana vwakwana kuli ndolome yendi Isau.

Kushangumuka 32:13 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 15:5

Co Shukulu Kalunga wamutuwisile anja nakwendeka ngwendi, “Kenga kwilu, eseka kulava vingongonosi evi. Co vatekulwila vove vakapwa vavangi ngwe vingongonosi evi.”

Kushangumuka 18:2

omo wandwile mesho endi, co wakengele, wamwene vanalume vatatu vanemana kuje. Vwasi-vwasi omo Avilahama wavamwene, washatukile nakuliwana navo, co watsikamene nakukulamena asi.

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 32:14

Vimembe vapwile 200 va lwavo na makumi avali a majamba a vimembe, na vimanga 200 va lwavo na makumi avali a majamba a vimanga,

Kushangumuka 33:10

Yakomba wamukumbulwile ngwendi, “Embwe mwane, nga njinawana kutetela ku mesho ove, tambula vwana vwange. Omo njamono cihanga cove, cinapu ngwe njinamono cihanga ca Njambi, omwo unanjizivila mema ku mbunge.

Kushangumuka 33:8

Co Isau wamwihwile ngwendi, “Aje matanga njaliwana nawo avikajo? Eci cinanunguluka vika?” Yakomba wamukumbulwile ngwendi, “Cinanunguluka ngeci njiwane kutetela ku mesho a shukulu yange.”

Kushangumuka 42:6

Yosefa wapwile mwata wakama mu lifuti lya Ingito, ikeye wakele nakulandesa tiliku kuli vanu voshe va mu kaye. Co vandolome va Yosefa vezile nakutsikama a mavuli nakulemesa ku mesho endi.

Kushangumuka 43:11

Asinoni ishavo wendekele kuli vakevo ngwendi, “Nga eci cinapu ngoconi, co mwamuvwa lingeni ngeci ambateleni owo munalume vushuka vwavuvwa vwa mu lifuti lino mu vinjeke vyeni ngeci mutwale vwana kuli mwata wakama. Ambateni kenya imo, na vuki vumo, na vyemba vyakunika lwengo lwaluvwa, na micuku-cuku.

Kushangumuka 43:26

Omo Yosefa wetele ku njuvo, co vamwanene vuje vwana vatsikamene a mavuli ku mesho endi nakumulemesa.

Nehemiya 4:13

Ngecivene, njapangezelele vanu mikwale, na makunga, na mata a lusipa, co njavemikile mu vikota vyavo kunima ya civumbe, kuje kwoshe kucahwile kutunga.

Visimo 17:8

Vanu vamo vayongola ngeci lizika-kanwa likapanga ngwe manseno, co vakulaela ngeci lyasa kupanga cuma cimo.

Visimo 18:16

Yove ushaka kuwana mwela ku munu wa vulemu ndi? Mutwalele vwana, co cikapwa cacasi kulizilila nendi.

Visimo 19:6

Vanu vavangi vakashaka kupwa vasamba va vanu vaje vasa kuvakwasa.

Visimo 21:14

Nga munu umo aluvala nove, co lizika-kanwa lyakwana mukushwekesa likamwolwesa.

1 Samwele 25:27

Shukulu, mwane, tambula vwana ovu njinakunenela, ngeci uvwane kuli vanu vove.

1 Samwele 25:8

Ihula vakwenje vove, co vakevo vakakuleka. Ngecivene, nga citava, vakwenje vange vawane kutetela ku mesho ove, omwo tunaija a litangwa lya ciwano. Njilomba ngeci utwaneko vyoshe-ivyoshe viwulinavyo yetu vangamba vove na munove Ndaviti.’ ”