Kushangumuka 32:11 - Livulu lya Shukulu Kalunga

¹¹ Njakulombo, njamene kuli ndolome yange Isau. Njili na lyova ali ndolome yange kutewa omo aija akutunyongesa yetu voshe na vanakazi, na vanike.

Kushangumuka 32:11 Iomraidhean Croise

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

Kushangumuka 27:41

Co Isau wazindile Yakomba, omwo ikeye Yakomba watambwile civezikiso cije capandele kupwa ca Isau. Co Isau wayongwele ngwendi, “Simbu yakulila tate ili muyehi, akeo anjikatsiila ndolome yange Yakomba.”

Kushangumuka 27:42

Oloni omo Lembeka wazivile vutumbe vwa Isau, wasanene Yakomba nakumuleka ngwendi, “Tolilila, ndolome yove Isau ali na vutumbe vwakukuwana ngeci akutsiye.

Kushangumuka 32:3

Co Yakomba watumine tunganda kulutwe kuli ndolome yendi Isau mu lifuti lya Endome.

Kushangumuka 32:7

Ngecivene, Yakomba wazivile lyova manene nakujujuka. Co waangunwine vanu vaje wendele navo mu vimbunga vivali, co lalo waangunwine vimanga vendi, na vimembe, na vingombe na tumelo lalo mu vimbunga vivali.

Kushangumuka 33:4

Oloni Isau washatukile nakumushesha, wamuvumbatelele nakumutsemba. Co voshe vavali valilile.

2 Samwele 7:18

Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga wa Akamwa ya Vyoshe, na naanga yange ikeyo ikajo, ngeci unjilingile vyoshe evi?

Myaso 119:134

Njamene kuli vanu vaje valinakunjiyandesa, ngeci njononoke mashiko ove.

Myaso 142:6

Tolilila ku lilombelo lyange ngeci unjikwase omwo yange njinazeye. Njamene ku vitozi vange, omwo vali na nzili ali yange.

Myaso 16:1

Yove Njambi njinyunge, omwo muli yove mukemwo njiwana kuvanda.

Myaso 25:20

Njinyunge nakunjamena, njinyunge kuli vaka-kunjifungulula. Njiija kuli yove ngeci unjinyunge.

Myaso 31:2

Tolilila ku kulomba kwange, co njikumbulule vwasi! Pwa limanya lyange lya vutewelo, cimpaka cange cakunjamena.

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Visimo 18:19

Kukwasa ndolome yove kunapu ngwe nganda yakukola, oloni kulijokota kunapu ngwe tupateso twa ku njuvo.

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Hoziya 10:14

nzita ikaija ali vanu veni, co vimpaka vyeni vyoshe vakavinyongesa. Cikafwa ngwe a litangwa lije omo Mwene Shalamane wanyongesele nganda ya Mbetelavele mu nzita, co vainavo na vana vavo vavatsiilile mu nzita.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Kwituluka mu Mashiko 22:6

“Nga ukawana lishwa lya kazila ku muti, nambe asi, na vaina vanavutamena a mavunda, nambe a vana vendi, kesi ukambatele kumo vana na vaina.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”