Kushangumuka 32:10 - Livulu lya Shukulu Kalunga

¹⁰ Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

Kushangumuka 32:10 Iomraidhean Croise

Kushangumuka 18:27

Avilahama wendekele lalo ngwendi, “Shukulu njisambese a lukakateya lwange lwakwendeka nove. Yange nji munu wangoco, kunjapandele kwendeka cuma cikwavo lalo.

Kushangumuka 24:12

Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama.

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 30:43

Mu ngila eyi vene, Yakomba wafukile manene. Wakele na matanga amangi, na vindungo va vanalume, na ava va vanakazi, na tumelo, na vimulu.

Kushangumuka 31:3

Ngecivene, Shukulu Kalunga wendekele kuli Yakomba ngwendi, “Iluka ku lifuti lya isho na kuli vavushoko vwove. Yange njikakala amo nove.”

Kushangumuka 32:5

Co yange njili na vingombe, na vimulu, na vimanga, na vimembe, na vindungo va vanalume na ava va vanakazi. Njituma lijwi kuli yeni mwane ngwange munjitetele ngeci munjitambule.’ ”

Kushangumuka 32:7

Ngecivene, Yakomba wazivile lyova manene nakujujuka. Co waangunwine vanu vaje wendele navo mu vimbunga vivali, co lalo waangunwine vimanga vendi, na vimembe, na vingombe na tumelo lalo mu vimbunga vivali.

2 Samwele 17:24

Ndaviti wetele ku nganda ya Mahanaime, a simbu ije Avisalome na vaIsalele vanajavuka laja Yondau.

2 Samwele 7:18

Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga wa Akamwa ya Vyoshe, na naanga yange ikeyo ikajo, ngeci unjilingile vyoshe evi?

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Yombi 8:7

Co vufuko vwoshe wazimbalesele vunapu cuma cangoco, kwesekesa ku vije vyakakwana Njambi.

Myaso 16:2

Njendeka kuli yove Shukulu Kalunga ngwange, “Yove unapu u Shukulu yange, vyuma vyoshe vyavivwa vinjilinavyo, vyatunda kuli yove.”

Myaso 18:35

Njinyunge nakunjamena yove Shukulu Kalunga, kunyunga kwove kunanjitsimanesa, na nzili yove inanjinyungu mwamuvwa.

Myaso 61:7

Ashwane myaka yoshe, amolika nove yove Njambi, munyunge na cizemo cove cije kucesi kutenguluka na kulongwa kwove.

Myaso 8:5

Oloni unamwana kasingimiko ngwe tungelo.

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Myaso 85:10

Cizemo cije kucesi kutenguluka nakukulaela vikaliwana amolika, co vushunga na kwoloka vikalivumbatela ngwe munu na musamba wendi.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Luka 17:10

Cinapu mumo neni lalo, omo munalingi vyoshe vije vamilekele kuvilinga, endekeni ngweni, ‘Tu vangamba vangoco, tunapanga vipangi vyetu!’ ”

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”