Kushangumuka 31:3 - Livulu lya Shukulu Kalunga

³ Ngecivene, Shukulu Kalunga wendekele kuli Yakomba ngwendi, “Iluka ku lifuti lya isho na kuli vavushoko vwove. Yange njikakala amo nove.”

Kushangumuka 31:3 Iomraidhean Croise

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 21:22

A simbu ije Ambimeleki na Fikole muka-kushika mbunga ya mashwalale vendi vaile kuli Avilahama, vendekele kuli ikeye ngwavo, “Njambi ali nove mu vyuma vyoshe vije ulinakulinga.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 28:4

Njambi akakuvezikise yove na vatekulwila vove ngwe mwavezikisile Avilahama, ngeci ukafuke lifuti eli muno muunakala, lifuti eli Njambi walyanene kuli Avilahama!”

Kushangumuka 30:25

Omo Yosefa wasemukile, Yakomba wendekele kuli Lambani ngwendi, “Njitave ngeci njiiluke kwimbo lyange.

Kushangumuka 31:13

Yange Njambi uje washolokele kuli yove ku Mbetele, kuje kuwakundikile limanya nakwitilao mazi a olive mukulipwisa canukiso, kuje lalo walisingile nange. Co ololo livwaese ngeci wiluke ku lifuti kuje kuwasemukilile!’ ”

Kushangumuka 31:18

Co wasindikile matanga endi oshe kulutwe, na vyuma vyendi vyoshe vije vyawanene ku Mesopotamya, co wakatukile nakuya kuli ishe Isake ku Kanana.

Kushangumuka 31:2

Yakomba wamwene cifwa ca Lambani cinatenguluka kucafwile ngwe akulivanga.

Kushangumuka 31:4

Yakomba watumine lijwi kuli Lakele na Leya ngeci valiwane nendi mu cana muje mwakele matanga endi.

Kushangumuka 32:10

Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

Kushangumuka 32:5

Co yange njili na vingombe, na vimulu, na vimanga, na vimembe, na vindungo va vanalume na ava va vanakazi. Njituma lijwi kuli yeni mwane ngwange munjitetele ngeci munjitambule.’ ”

Kushangumuka 32:9

Asinoni Yakomba walombelele ngwendi, “Njambi ya kuku Avilahama na Njambi ya tate Isake, yove Shukulu Kalunga wendekele kuli yange ngwove ukeluka ku lifuti lyove na kuli vavushoko vwove, co vyuma vyoshe wasa kunjivwaeselavyo mwamuvwa.

Kushangumuka 35:1

Asinoni Njambi wendekele kuli Yakomba ngwendi, “Katuka uye ku Mbetele, ukakale kuje, co kuje ukanjitungilako mutula. Yange Njambi uje walisholwele kuli yove omo watewele ndolome yove Isau.”

Kushangumuka 35:3

Tukatukeni ngeci tuye ku Mbetele, njikatungile mutula Njambi uje wanjikwasele a simbu ya tuyando twange, uje wakele amo nange kwoshe kuje kunjaile.”

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 90:15

Tuvwaelelese ngwe ku matangwa aje awatuyandesele, ngwe ku myaka ije itwamwene tuyando.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”