Kushangumuka 30:4 - Livulu lya Shukulu Kalunga

⁴ Co Lakele waanene Mbileha kuli munalume wendi, ngeci Yakomba walimwene nendi.

Kushangumuka 30:4 Iomraidhean Croise

Kushangumuka 16:2

Ngecivene, Salai wendekele kuli Avilama ngwendi, “Yange Shukulu Kalunga nanjumina kukita vana. Njikulomba ngwange ulimone nou ndungo yange wa mumbanda, amo akanjikitilako mwana.” Co Avilama watavele vije vyendekele Salai.

Kushangumuka 21:10

Ngecivene, omo Sala wavamwene, co wendekele kuli Avilahama ngwendi, “Sheka ou ndungo wa munakazi na munendi. Mwana wou munakazi kapandele kushwana vufuko vwove, vuje vwakashwana munange Isake.”

Kushangumuka 22:24

Leume lishano lya mbanja munakazi wa Nahole, ikeye lalo wakitile vana va vanalume, Temba, na Ngahame, na Tahashe na Maka.

Kushangumuka 25:1

Avilahama wambatele munakazi wendi mukwavo lizina lyendi Ketula.

Kushangumuka 25:6

oloni omo simbu wakele nakuyoya, Avilahama wapangezelele vwana kuli vana vendi vaje vakitilile kuli vanakazi vendi va mbanja. Asinoni watumine ava vana ku lifuti lya mu ngangela, kulyala na munendi Isake.

Kushangumuka 29:29

Lambani waanene ndungo yendi wa mumbanda Mbileha kuli munendi Lakele kupwa mukwasi wendi.

Kushangumuka 30:5

Mbileha wakele na kafumba, co wakitile mwana wa munalume.

Kushangumuka 33:2

Akulivanga watwamekeleko vaje mashano vendi va mbanja amo na vana vavo, asinoni Leya na vana vendi, co vakumaneselako Lakele na Yosefa.

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

Kushangumuka 46:25

Ava vatanu na vavali vakevo vatekulwila va Yakomba kuli Mbileha, mukwasi wa Lakele uje yamwanene ishe Lambani.

2 Samwele 12:11

Njalisingi ngeci njikalingisa umo wa ku naanga yove kunena vukalu ali yove. Ukacimona omo njikakutambula vanakazi vove nakuvana kuli munalume weka, co ikeye akalala navo mutanya mwelu.