Kushangumuka 30:2 - Livulu lya Shukulu Kalunga

² Yakomba waluvalele na Lakele, wendekele kuli ikeye ngwendi, “Kunjasa kwinga mu mwela wa Njambi. Njambi ikeye nashoko shivu yove ngeci kesi ukite vana.”

Kushangumuka 30:2 Iomraidhean Croise

Kushangumuka 16:2

Ngecivene, Salai wendekele kuli Avilama ngwendi, “Yange Shukulu Kalunga nanjumina kukita vana. Njikulomba ngwange ulimone nou ndungo yange wa mumbanda, amo akanjikitilako mwana.” Co Avilama watavele vije vyendekele Salai.

Kushangumuka 20:18

Eci calingiwile omwo Shukulu Kalunga washokele shivu ya vanakazi voshe vaje vakele mu lipela lya Ambimeleki, omwo ya vije vyalingiwile ali Sala munakazi wa Avilahama.

Kushangumuka 25:21

Isake walombelele kuli Shukulu Kalunga ali munakazi wendi Lembeka, omwo Lembeka wapwile mumba. Co Shukulu Kalunga wazivile lilombelo lyendi ngeci Lembeka wakele na kafumba.

Kushangumuka 29:31

Shukulu Kalunga wamwene ngeci Yakomba wazemene manene Lakele kutuvakana Leya, co washokolwele shivu ya Leya ngeci akale na vana, oloni Lakele wapwile mumba.

Kushangumuka 31:36

Asinoni Yakomba waluvalele manene, co wehwile ngwendi, “Mulonga uka njinavulumuna kuli yove? Lishiko mukajo njinapokola lije linakwana nzili yakunjiyomba ngacije?

Kushangumuka 50:19

Oloni Yosefa wendekele kuli vakevo ngwendi, “Kesi muzive lyova embwe. Yange njasa kulyaka yange vavenya mu mwela wa Njambi ndi?

2 Vimyene 5:7

Omo mwene wa mu Isalele walavele uje mukanda, co watavwile vuzalo vwendi mukuviilila, walikomokelele, co wendekele ngwendi, “Omwo vikajo mwene wa Silya nayongola ngwendi yange njasa kukangwisa ou munalume? Kuma ikeye nayongola ngwendi yange nji Njambi, uje ali na nzili yakutsiya nambe yakuyoyesa ndi? Eci casholoka mwa vushunga vene ngeci ashaka lika kulinga vimata nange!”

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 127:3

Vana vapwa vushwana vwakutunda kuli Shukulu Kalunga, vapwa lalo vwana vwakutunda kuli ikeye.

Kutuuka 32:19

Omo Mosesa washwenyele kuyehi na cilombo wamwene muna ngombe wa nkomba, co lalo wamwene vanu valinakukina, co waluvalele manene-nene. Ngeci wombilile asi vije vitale wambatele mu mavoko endi, kwisi ya munkinda, co vyatavozokele.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Luka 1:42

co wendekele na lijwi lyakama ngwendi, “Yove umuka-kuvezika akati ka vanakazi voshe, navezika mwana uje iwukakita!

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

1 Samwele 1:5

Nameme wazemene Hana manene, oloni wamwanene mutamba umolika, omwo Shukulu Kalunga washokele shivu yendi.