Kushangumuka 3:8 - Livulu lya Shukulu Kalunga

⁸ Ku cingwezi vazivile Shukulu Kalunga Njambi alinakwenda mu lihya, co vavandele mukati ka miti.

Kushangumuka 3:8 Iomraidhean Croise

Kushangumuka 18:33

Omo wamanesele kwendeka na Avilahama, Shukulu Kalunga waile, co Avilahama welukile kwimbo lyendi.

Kushangumuka 3:10

Co munalume wamukumbulwile ngwendi, “Njakuzivile ulinakwenda mu lihya, co njazivile lyova, ngeci njavandele omwo njili mutotototo.”

Yombi 22:14

Uyongola ngeci mashelwa akuzivala amuvindika ngeci kasa kumona, omo enda a mukambwila wa lilu.

Yombi 31:33

“Vanu vamo vakeseka kushweka vuvi vwavo, oloni yange kunjashwekele vuvi vwange.

Yombi 38:1

Asinoni Shukulu Kalunga wendekele kuli Yombi mu kankumba ngwendi,

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Hoziya 10:8

Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

VaLevi 26:12

Yange njikakala neni, njikapwa Njambi yeni, co neni lalo mukapwa vanu vange.

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Loma 2:15

Cifwa cavo cimwesa ngeci vije Lishiko livashika vanacisoneka mu vimbunge vyavo. Co lalo citaku-taku cavo civamwesa ngeci cuma eci cinapu ca vushunga, omwo visimbu vimo viyongola vyavo vivahisa, co visimbu vikwavo vivaamena.

Kwituluka mu Mashiko 23:14

Mu ngila eyi mukanyunga cilombo ceni cikapwe cakujela, omwo Shukulu Kalunga Njambi yeni ali amo neni mu cilombo ceni mukuminyunga ngeci mukafungulule vitozi veni. Kesi mulinge cuma cimo ca vunyengwe cije cikaluvalesa Shukulu Kalunga ngeci amikengese nima.

Kwituluka mu Mashiko 4:33

Kuli vanu vamo vazivile lijwi lya njambi weka lyendeka kuli vakevo kutunda mukati ka tuhya ngwe mumwazivile yeni, co vayoye ndi?

Kwituluka mu Mashiko 5:25

Oloni omwo vikajo tutsila? Otu tuhya twakama tutunyongesa. Mwa vushunga nga tukaziva lalo lijwi lya Shukulu Kalunga Njambi yetu, co tukatsa.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 6:15

Asinoni vimyene va ano asi, na vaka-kushwana na vakulunu va nzita, vaka-kufuka na vaka-nzili, na vanu voshe veka lalo, ndungo na muka-kupatuka, vavandele mu manzenzengoma na mwisi ya mamanya a minkinda.