Kushangumuka 3:20 - Livulu lya Shukulu Kalunga

²⁰ Andama walukile munakazi wendi lizina lyendi Eva, omwo ikeye wapwile cituta ca vanu voshe.

Kushangumuka 3:20 Iomraidhean Croise

Kushangumuka 16:11

Ukakala na mwana wa munalume, ukamuluka lizina lyendi Ishimela, omwo Shukulu Kalunga nazivi tuyando twove.

Kushangumuka 2:20

Ngecivene, munu walukile mazina vimuna voshe, na tuzila voshe, na tusitu voshe. Oloni akati kavo kwaakele umo mukwasi wakulipanda nendi.

Kushangumuka 2:23

Ngecivene, munalume wendekele ngwendi, “Eyo! Ololo oni, ou napu wakunjifwa. Ou ikeye citsiya ca ku vitsiya vyange, na maninga ange. Njimutumbula ‘Munakazi’ omwo vanamutundisa kuli munalume.”

Kushangumuka 3:21

Ngecivene, Shukulu Kalunga Njambi watongelele Andama na munakazi wendi vuzalo vwa vilambu vya tusitu, co wavazikilevwo.

Kushangumuka 35:18

Oloni Lakele wakele muyehi na kutsa, co omo watutumwisile mwonyo, walukile munendi lizina lya Mbenone, oloni ishe wamulukile lizina lya Mbenjemani.

Kushangumuka 5:29

wendekele ngwendi, “Mbututu ou akatuhwimisako ku vipangi vyetu vyakukaluwa ku livu eli vene lyasingile Shukulu Kalunga.” Co wamulukile lizina lyendi Nowa.

Kutuuka 2:10

Co omo mwanike wakolele, wamutwalele kuli muna mwene, wamupwisile munendi. Muna mwene wamulukile lizina lya Mosesa ngwendi, “Njamujavulwile mu mema, ngeci njamuluku lizina lyendi Mosesa.”

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

1 Timateo 2:13

Omwo Andama ikeye vatangele akulivanga, co asinoni Eva.

1 Samwele 1:20

Ngecivene, Hana wakele na kafumba, co wakitile mwana wa munalume. Wamulukile lizina lyendi Samwele, co walinungulwile ngwendi, “Njamulombele kuli Shukulu Kalunga.”