Kushangumuka 3:15 - Livulu lya Shukulu Kalunga

¹⁵ Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 3:15 Iomraidhean Croise

Kushangumuka 49:17

Ndani akapwa ngwe linyoka kumukulo wa tapalo, limbwambwa wa vushungu vwa vukalu kumukulo wa ngila, uje ashuma ku mbemba ya kavalu, ngeci uje alondao andumukile kunima.

Myaso 132:11

Yove wakulaesele Ndaviti, cikulaeso cije kuukevala ngwove,

Isaya 53:12

Ngecivene, njikamwana mutambela wa kasingimiko, akati ka vanu va vulemu na nzili. Watavele kwana mwonyo wendi nakumulavela amo mu luvinda lwa vaka-vuvi. Vanu vamuyongwele ngwavo muka-vuvi, oloni wayandele omwo vuvi vwavo, co walombelele kuli Njambi ngeci Njambi avasambese.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 31:22

Visimbu vingaijo mukendangana oku noku, yeni vanu vaka-kujeneka kukulaela? Njinatanga cuma caciha cakufwa mweka lalo, cakufwa mweka ngwe munakazi anyunga munalume wendi.”

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Amose 9:3

Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga ngeci avashume.

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 1:25

Oloni kakele amo nendi noo wakitile munendi wa munalume, co wamulukile lizina lya Yesu.

Mateo 12:34

Yeni muyati wa mambwambwa, vatijo mwasa kwendeka vyuma vyavivwa kuma yeni mwapwa mu vaka-vivi? Omwo kanwa kakendeka vije vyashula mu mbunge.

Mateo 13:38

Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi,

Mateo 23:33

Eni manyoka na vana va manyoka! Vatijo mutewa kusompa kwakuya ku tuhya twa myaka yoshe?

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Mako 16:18

Vakakwata manyoka, co nambe nga vakanwa vyuma vya vushungu, kuvikavavulumuna, vakakambeka mavoko avo ali vaka-kuvinja, co vakenduka.”

Luka 1:76

“Co yove munange, vakakutumbula muka-kwimanena wa Njambi wa Akamwa ya Vyoshe. Co ukatwama kulutwe lwa Mwene mukuvwaesa ngila yendi,

Luka 10:19

Tolilileni! Njamyana moko ngeci mukalyatangele manyoka na manyewe, nakuhyana nzili yoshe ya Citozi, co nacimo cai cikamivulumuna.

Luka 22:53

Njakele neni mu Njuvo ya Shukulu Kalunga a litangwa na litangwa, kumwesekele kunjikwata. Oloni eyi ikeyo simbu yeni yakupanga, omo nzili ya lisusulungu ilinakushwana.”

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

Loma 3:13

Majwi avo anashulu na vushungu vwa makuli, vindaka vyavo vyendeka makuli, tunwa twavo twendeka majwi amavi ngwe vushungu vwa linyoka.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Efeso 4:8

Ngwe muje muvyendeka visoneka ngwavyo, “Omo ikeye waile mwilu, wambatele vinzinda vavangi amo nendi, co waanene vwana kuli vanu.”

Kolose 2:15

Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika, walingile eci mutanya mwelu kuli vakevo akuvatwamenena ngwe vinzinda mukuhyana kwendi.

VaHevelu 2:18

Omwo wayandele, co wamwene vyeseko, ikeye lalo asa kukwasa vaje valinakumona vyeseko.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

1 Yowano 5:5

Iyajo asa kuhyana vya a kaye? Kuvanga uje lika nakulaela ngwendi Yesu ikeye Muna Njambi.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 13:7

Co lalo vamutavesele kulwa nzita na vanu va Njambi nakuvafungulula, co lalo vamwanene moko a miyati yoshe ya vanu na vindaka vyoshe na mafuti oshe.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.