Kushangumuka 3:13 - Livulu lya Shukulu Kalunga

¹³ Shukulu Kalunga Njambi wehwile munakazi ngwendi, “Omwo vikajo walingi eci?” Co munakazi wamukumbulwile ngwendi, “Linyoka nanjikwisile ngeci njinalile.”

Kushangumuka 3:13 Iomraidhean Croise

Kushangumuka 12:18

Co mwene wasanene Avilama nakumwihula ngwendi, “Avilama vikajo wanjilingilamo ngeci? Omwo vikajo kuwanjilekelele ngwove Salai wapwa munakazi wove?

Kushangumuka 44:15

co Yosefa wendekele kuli vakevo ngwendi, “Vika mwalingi? Kuma kumwazivukile ngeci munu wakufwa ngwe yange asa kuwana cuma eci akutaa ndi?”

2 Samwele 3:24

Ngecivene, Yowave waile kuli mwene wendekele ngwendi, “Vika unalingi? Kenga, Avinele nezile kuli yove, omwo vikajo unamwecelela aye ngacije?

1 Vimyene 13:18

Asinoni uje muka-kwimanena wa kakulukazi wa ku Mbetele wendekele kuli ikeye ngwendi, “Nange lalo nji muka-kwimanena ngwe yove, co akushika kwa Shukulu Kalunga ali kangelo nanjileka kuya amo nove kwimbo ngeci njikakujumbule.” Oloni uje muka-kwimanena wa kakulukazi wendekele makuli.

VaLevi 12:5

Oloni nga akita mwana wa munakazi, akapwa wakujeneka kujela a matangwa likumi na matangwa awana, kakwata ku liko. Napande kukala matangwa akwavo akupwa makumi atanu na limo na matangwa atanu na limo lalo, noo nakombo.

Yona 1:10

Yona wavalekele muje mwatewele kuli Shukulu Kalunga. Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)

Yowano 18:35

Pilato wakumbulwile ngwendi, “Unayongola ngwove yange nji kaYunda ndi? Vanu vove na vakulunu va vaka-kukombelela vakevo vanakunena kuli yange. Unalingi vika?”

Loma 7:11

Omwo vuvi vwawanene mwela, co vuvi vwanjikwisile nakunjitsiya.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

1 Timateo 2:14

Co kesi Andama uje vakwisile embwe, oloni munakazi ikeye vakwisile, co wapokwele lishiko lya Njambi.

1 Samwele 13:11

oloni Samwele wendekele kuli ikeye ngwendi, “Vika unalingi?” Co Saulu wamukumbulwile ngwendi, “Vanu vakele nakunjiseza, co yove lalo kuwezile vwasi ngwe muwendekele, co kuwezelelako lalo, vaFilisitiya valinakulikungulwila ku Mikemashe.

1 Samwele 15:15

Saulu wamukumbulwile ngwendi, “Vanu vange vakevo vanavambatele kuli vaAmaleke. Vambateleko vimanga, na vingombe vavavwa ngeci vavikombelele kuli Shukulu Kalunga Njambi yove, co vaje vasaleleo twavanyongesele voshe njwa.”