Kushangumuka 28:3 - Livulu lya Shukulu Kalunga

³ Njambi Muka-nzili yoshe akavezikise vulo vwove nakukwana vana vavangi, ngeci ukapwe cisemi ca miyati yaingi!

Kushangumuka 28:3 Iomraidhean Croise

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 17:20

Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama.

Kushangumuka 24:60

Co vavezikisile Lembeka na majwi awa ngwavo, “Ove ndokazi yetu, ukapwe cisemi ca makulukazi a makulukazi! Co lalo vatekulwila vove vakafungulule vinganda vya vitozi vavo!”

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Kushangumuka 27:33

Ngecivene, Isake walikomokelele nakujaja, co wehwile ngwendi, “Kuma iyajo ou natsiile kasitu nakunjinenelaye? Njamanesa kulya vene omo simbu kanda wije. Co njinamuvekisa laja, cili akapwa wakuvezika.”

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

Kushangumuka 41:52

Yosefa walukile munendi wamucivali lizina lyendi Efalime, wendekele lalo ngwendi, “Njambi nanjana vana mu lifuti lya tuyando twange.”

Kushangumuka 43:14

Njilomba Njambi Muka-nzili yoshe ngeci owo munalume akamizivileko mema ku mbunge, akamyane ndolome yeni mukwavo amo na Mbenjemani. Nga njijeneka vana vange, co nange njinavindama vene.”

Kushangumuka 48:3

Yakomba wendekele kuli Yosefa ngwendi, “Njambi Muka-nzili yoshe walisholwele kuli yange ku Luze mu lifuti lya Kanana, nakunjivezikisa.

Kushangumuka 48:4

Ikeye wendekele kuli yange ngwendi, ‘Njikakwana vana vavangi, co vatekulwila vove vakapwa miyati yaingi, njikana lifuti eli kuli vatekulwila vove. Likapwa vufuko vwavo ku myaka yoshe.’ ”

Kushangumuka 49:25

Ikeye Njambi ya vaishweni, ou alinakumikwasa, Njambi Muka-nzili yoshe, ou alinakumivezikisa na vivezikiso vya nyonzi ilinakutunda kwilu na mema akulova alinakutunda mwisi ya livu, na vivezikiso vya vimuna vavangi na vanike.

Kushangumuka 9:1

Njambi wavezikisile Nowa na vana vendi, co wendekele ngwendi, “Kiteni nakutuma, ngeci vatekulwila veni vakashule ano asi oshe.

Myaso 127:1

Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

Myaso 127:3

Vana vapwa vushwana vwakutunda kuli Shukulu Kalunga, vapwa lalo vwana vwakutunda kuli ikeye.

Kutuuka 1:7

oloni vatekulwila vavo, vaIsalele, vakitile nakutuma manene, co vapwile vaka-nzili, ngecivene, vatumine mu lifuti lya Ingito mwoshe.

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Lute 2:4

Omo kwetile kasimbu Mbowasi wezile kutunda ku Mbetelehema, walikandelelele na vaka-vipangi vendi. Wendekele ngwendi, “Shukulu Kalunga akale amo neni.” Co vamukumbulwile ngwavo, “Shukulu Kalunga amivezikise mwane.”