Kushangumuka 26:31 - Livulu lya Shukulu Kalunga

³¹ Alikaki mutondo-tondo, muvuvali vwavo valisingile. Ambimeleki walisalesele na Isake, co valyangunukile mu kwoloka.

Kushangumuka 26:31 Iomraidhean Croise

Kushangumuka 14:22

Oloni Avilama wamukumbulwile ngwendi, “Njilisinga ku mesho a Shukulu Kalunga, Njambi wa Akamwa ya Akamwa, uje watangele lilu na asi,

Kushangumuka 19:2

Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.” Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”

Kushangumuka 21:14

Alikaki mutondo-tondo, Avilahama waanene Hangale vyakulya na njeke ya cilambu yakushula ya mema. Wamutwikilevyo a mutwe, co wamwakele mwana ku mwongo, wamushuwile. Ngecivene, Hangale waile nakuyevangela mu mambo ya Mbeleshemba.

Kushangumuka 21:23

Ngecivene, lisinge ano vene ku mesho a Njambi ngeci kesi ukanjikwise, nambe kukwisa vana vange, nambe vatekulwila vange. Omwo yange njakulingi mwamuvwa, ngeci nove lalo unapande kunjikulaesa ngwove ukanjilinga mwamuvwa mu lifuti lino muulinakukala.”

Kushangumuka 21:27

Ngecivene, Avilahama waanene vimanga na vingombe kuli Ambimeleki, co muvuvali vwavo valikumiiye cikumiiyo.

Kushangumuka 22:3

Alikaki mutondo-tondo, Avilahama wacavele vitale vyakukakombelela navyo, co walemekele cimulu cendi, waile na Isake, amo na vangamba vavali ku mutambela uje wamulekele Njambi ngeci ayeko.

Kushangumuka 25:33

Oloni Yakomba wamukumbulwile ngwendi, “Akulivanga lisinge ngeci ukanjilandesa moko ya vu ntwatwa vwove.” Isau walisingile, co walandesele moko ya vu ntwatwa vwendi kuli Yakomba.

Kushangumuka 26:32

A litangwa lije vene, vangamba va Isake vezile nakumuleka a vya lisima lije vendile ngwavo, “Tunawana mema.”

Kushangumuka 31:44

Co mwamuvwa oni yove nange tulinge cikumiiyo. Tulinge mutumbo wa mamanya wakutwanukisa cikumiiyo cetu.”

Kushangumuka 31:55

Alikaki mutondo-tondo, Lambani watsembele vatekulyendi na vana vendi nakuvavezikisa, co walisalesele navo, welukile kwimbo lyendi.

VaHevelu 6:16

Omo vanu vakalingi cisingo vakapangesa lizina lya munu umo uje navahyana, co eci cikeco cikamanesa vimata vyoshe akati ka vanu.

1 Samwele 14:24

A litangwa lije vaIsalele vazeyele na njala, omwo Saulu walisingile cisingo, co washikile ngwendi, “Cisingo cikale ali munu woshe uje alya vyakulya lelo simbu kanda njilinge shambandinga vitozi vange.” Ngecivene, naumo wai walile cuma litangwa lyoshe.

1 Samwele 20:3

Oloni Ndaviti wakumbulwile ngwendi, “Isho nazivuka mwamuvwa ngeci yove wanjizema manene, evi nayongola kasa kukulekavyo ngeci uvizivuke, omwo vikuzivisa ku mbunge longoto. Njilinakulisinga kuli yove a lizina lya Shukulu Kalunga wakuyoya ngwange yange kunjesi kulyala na kutsa!”

1 Samwele 30:15

Co Ndaviti wamwihwile ngwendi, “Wasa kunjitwala kuli vaje vitozi ndi?” Co ikeye wamukumbulwile ngwendi, “Njikutwala, nga ulisinga mu lizina lya Njambi ngeci kuukanjitsii nambe kunjana ku mavoko a shukulu yange.”