Kushangumuka 26:3 - Livulu lya Shukulu Kalunga

³ Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 26:3 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 13:17

Ngecivene, katuka, ya nakukenga lifuti lyoshe mu vulaja vwalyo na mu vwihi vwalyo, omwo lyoshe njikakwanalyo.”

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 20:1

Avilahama watundile ku Mamele, waile mu mbwela ya lifuti lya Kanana, co wakele mukati ka Kandeshe na Shule. Omo wakele mu Ngelale,

Kushangumuka 25:11

Njambi wavezikisile Isake omo ishe Avilahama watsile. Isake watungile kuyehi na “Lisima lya Muka-kuyoya Ou Nanjimono Yange.”

Kushangumuka 26:12

Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile.

Kushangumuka 26:14

VaFilisitiya vakele na muuka ali ikeye omwo wakele na matanga amangi manene a vimanga na vingombe amo na vangamba vavangi.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 31:3

Ngecivene, Shukulu Kalunga wendekele kuli Yakomba ngwendi, “Iluka ku lifuti lya isho na kuli vavushoko vwove. Yange njikakala amo nove.”

Kushangumuka 35:12

Njikakwana lifuti lije linjanene kuli Avilahama na Isake, co njikalyana kuli vatekulwila vove.”

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:21

Oloni Shukulu Kalunga wakele amo na Yosefa wamumwesele cizemo cendi cije kucesi kutenguluka, nakumulingisa ngeci uje muka-kunyunga kamenga amuzivile ngozi.

Kushangumuka 48:21

Asinoni Yakomba wendekele kuli Yosefa ngwendi, “Ngwe muwamono, yange njili muyehi na kutsa, oloni Njambi ali nove amo. Ikeye akakwilwisila lalo ku lifuti lya vakukulwila vove.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

1 Mizimbu 16:16

Cikumiiyo cije calingile na Avilahama, na cikulaeso cije calingile kuli Isake.

Myaso 105:8

Ikeye akanyungu cikumiiyo cendi ku myaka yoshe, na cikulaeso cendi ku visemwa vyakupwa 1,000.

Myaso 105:9

Ikeye akanyungu lizivasano lije lyalingile na Avilahama, nakunyunga lalo cikulaeso cendi kuli Isake.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 39:12

Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Kutuuka 2:24

Njambi wazivile kukemanga kwavo, wanukile cikumiiyo cendi na Avilahama, na Isake, na Yakomba.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Kutuuka 6:4

Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Kutuuka 6:8

Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ”

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 43:5

Kesi muzive lyova, njili amo neni! “Njikatundisa vanu vove vaje vali mu ngangela na mu kangombe ka yambi, nakuvelwisila kwimbo lyavo.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Kwituluka mu Mashiko 1:8

Kengeni, njamyana lifuti lyoshe eli lije yange Kalunga njalikulaesele kulyana kuli vakukulwila veni, va Avilahama, na Isake, na Yakomba, na ku vatekulwila vavo. Co yeni mukalishwane.’ ”

Kwituluka mu Mashiko 34:4

Asinoni Shukulu Kalunga wendekele kuli Mosesa ngwendi, “Eli likelyo lifuti lije njalikulaesele Avilahama, na Isake, na Yakomba ngwange njikalyana kuli vatekulwila veni. Co njakumwesalyo na mesho lika, oloni kuukakovelamo embwe.”

Filipu 4:9

Lingeni vipangi vije mwalilongesele nakuvitambula kuli yange, ku majwi ange na ku vilinga vyange. Co Njambi uje muka-kutwana kwoloka akakala amo neni.

VaHevelu 11:9

Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

VaHevelu 6:17

Njambi omo washakele kucisholola mwamuvwa kuli vaje vashakela kutambula cikulaeso cije, co wakulaesele ngeci kashaka lalo kutengulula vutumbe vwendi, ngecivene, wawezeleleleko lalo kulisinga ku cikulaeso cendi.