Kushangumuka 26:24 - Livulu lya Shukulu Kalunga

²⁴ Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 26:24 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 21:17

Njambi wazivile kulila kwa mwana, co kangelo ka Njambi oku ali mwilu watambekele kuli Hangale ngwendi, “Hangale, vika ulinyenga? Kesi uzive lyova. Njambi nazivi kulila kwa munove.

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 22:19

Ngecivene, Avilahama welukile kuli vangamba vendi amo na Isake, co voshe vaile amolika kwimbo lya Avilahama ku Mbeleshemba.

Kushangumuka 24:12

Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama.

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 28:3

Njambi Muka-nzili yoshe akavezikise vulo vwove nakukwana vana vavangi, ngeci ukapwe cisemi ca miyati yaingi!

Kushangumuka 30:27

Oloni Lambani wendekele kuli ikeye ngwendi, “Akulivanga njitave ngeci njikuleke eci, omwo njinananguka akutaa ngwange Shukulu Kalunga nanjivezikisa omwo yove.

Kushangumuka 31:5

Co wendekele kuli vakevo ngwendi, “Njamono ngwange cifwa ca ishweni cinatenguluka kucafwile ngwe akulivanga, nameme ngoco Njambi ya tate nakala amo nange.

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:3

Co shukulu yendi wamwene ngeci Shukulu Kalunga ali amo na Yosefa, lalo Shukulu Kalunga namuvezikisa mu vyuma vyoshe vije vyalingile.

Kushangumuka 46:1

Ngecivene, Yakomba walongekeyeye vivala vyendi vyoshe, waile ku Mbeleshemba, kuje wakakombelelele n̄ombelo kuli Njambi ya ishe Isake.

1 Vimyene 17:13

Co Elinja wendekele kuli ikeye ngwendi, “Kesi ulishoshomwene embwe. Ya lika ukavwaese vyakulya vyove. Oloni akulivanga njilingileko mukasha wa likende waundondo ku evi ulinavyo, co nena kuli yange, asinoni vwaesa vyove na munove,

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Mbimbi 3:57

Wanjikumbulwile nakunjileka ngeci kesi njizive lyova.

VaLevi 26:42

co njikanuka cikumiiyo cange cije njalikumiiye na vakukulwila vavo, Avilahama, na Isake, na Yakomba, co njikavezikisa livu lyeni.

VaLevi 26:45

Co njikanuka cikumiiyo cije njalikumiiye na vakukulwila vavo omo njasholwele nzili yange ku miyati yoshe akutundisa vanu vange mu Ingito, ngeci njipwe Njambi yavo. Yange Njapwa Kalunga.”

Mateo 22:32

‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Vilinga vya Miluwa 7:32

‘Yange Njambi ya vakukulwila vove, Njambi ya Avilahama na Isake na Yakomba.’ Co Mosesa wajajele nakuziva lyova, co kakengeleko lalo.

Kwituluka mu Mashiko 13:17

Kesi mukambateko cuma cimo ku vije vivasompelele kunyonga, asinoni Shukulu Kalunga akatenguluka ku vukalu vwendi nakumizivila mema ku mbunge, co akamitumisa ngwe mwalisingile na vakukulwila veni,

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Lute 3:11

Co ololo, kesi ulinyenge embwe, njikakulingila vyuma vyoshe viwunalombo. Vanu voshe va muno mu nganda vazivuka ngeci yove wapwa u munakazi wamuvwa wa kulongwa.