Kushangumuka 24:7 - Livulu lya Shukulu Kalunga

⁷ Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje.

Kushangumuka 24:7 Iomraidhean Croise

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 16:7

Kangelo ka Shukulu Kalunga wawanene Hangale ku lisima mu mambo, ku tapalo ya ku Shule.

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 21:17

Njambi wazivile kulila kwa mwana, co kangelo ka Njambi oku ali mwilu watambekele kuli Hangale ngwendi, “Hangale, vika ulinyenga? Kesi uzive lyova. Njambi nazivi kulila kwa munove.

Kushangumuka 22:11

Oloni kangelo ka Shukulu Kalunga wamusanene oku ali mwilu ngwendi, “Avilahama, Avilahama!” Avilahama wakumbulwile ngwendi, “Ewa, yange uno Shukulu.”

Kushangumuka 24:3

Njishaka yove ulisinge mu lizina lya Shukulu Kalunga Njambi ou wa lilu na asi, ngeci kesi ukambatele munange munakazi wa ku muyati wa vaKanana ava njinatungu navo embwe.

Kushangumuka 24:40

Co wanjikumbulwile ngwendi, ‘Shukulu Kalunga, uje injononoka visimbu vyoshe, akatuma kangelo kendi amo nove, kukuvwaesela vya ngila yove. Yove ukambatela munange munakazi kuli vavushoko vwange, munakazi wa ku naanga ya tate.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Myaso 103:20

Yeni tungelo va nzili shangazaleni Shukulu Kalunga, yeni vaka-kwononoka mashiko endi,

Myaso 136:26

Kandeleleni kuli Njambi wa mwilu, omwo cizemo cendi cije kucesi kutenguluka cakala ku myaka yoshe.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 73:24

Yove unjitwamenena na mana ove, co akukotoka ukanjitambula na kasingimiko.

Kutuuka 13:5

Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga.

Kutuuka 32:13

Anuka vangamba vove, Avilahama, na Isake, na Yakomba. Anuka cikumiiyo cije walikumiiye navo ngwove ukavana vatekulwila vavangi ngwe vingongonosi vya mwilu, nakukaana lifuti kuli vatekulwila vavo lije liwavakulaesele ngeci likapwe vushwana vwavo ku myaka yoshe.”

Kutuuka 33:2

Njikatuma kangelo wakumitwamenena, co njikasheka vaKanana, na vaAmoli, na vaHiti, na vaPelezi, na vaHivi, na vaNjevushi.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Yona 1:9

Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”

Kulava 11:12

Kesi yange njavatangele nambe kuvakita! Omwo vikajo wendekele ngwove vambate a nulo yove ngwe ndezi akambata mbututu a mavoko endi, uvatwale ku lifuti lije liwakulaesele kwana kuli vakukulwila vavo?

Kulava 14:16

‘Shukulu Kalunga natsiila vanu vendi mu mambo omwo nonwa kuvatwala mu lifuti lije wavakulaesele kuvanalyo, mukemwo navatsiila mu mambo?’

Kulava 14:30

Naumo wai akovela mu lifuti lije njamikulaesele kumyanalyo, kuvanga lika Kalembi muna Njefune, na Yoshwa muna Nune.

Kulava 32:11

‘Mwa vushunga, omwo vanu ava kuvanjononokele na vimbunge vyavo vyoshe, naumo wai wa ali vakevo, uje ali na myaka makumi avali nambe kutuvakana, vaje vatundile mu Ingito, akakovele mu lifuti lije linjakulaesele Avilahama, na Isake, na Yakomba.

Vilinga vya Miluwa 7:5

Oloni Njambi te kanda aane Avilahama mutambela umo wa lifuti ngeci lipwe lyendi embwe, nambe kamutambela kakandondo ka livu, oloni Njambi wamukulaesele kumwanalyo ngeci lipwe lyendi na vatekulwila vendi. A simbu ije Njambi walikumiiye cikumiiyo eci, nameme Avilahama te kanda akale na vana.

Kwituluka mu Mashiko 1:8

Kengeni, njamyana lifuti lyoshe eli lije yange Kalunga njalikulaesele kulyana kuli vakukulwila veni, va Avilahama, na Isake, na Yakomba, na ku vatekulwila vavo. Co yeni mukalishwane.’ ”

Kwituluka mu Mashiko 34:4

Asinoni Shukulu Kalunga wendekele kuli Mosesa ngwendi, “Eli likelyo lifuti lije njalikulaesele Avilahama, na Isake, na Yakomba ngwange njikalyana kuli vatekulwila veni. Co njakumwesalyo na mesho lika, oloni kuukakovelamo embwe.”

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 11:9

Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 24:3

Asinoni njatundisile kukulwila yeni Avilahama, musambwa ya Ndonga ya Yufuleti nakumutwamenena mu lifuti lyoshe lya Kanana. Njatumisile vatekulwila vendi. Co njamwanene Isake.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Maako 2:1

Co kangelo ka Shukulu Kalunga watundile ku Ngilingale walamatele ku Mbokime, wendekele kuli vaIsalele ngwendi, “Yange njakamitundisile ku Ingito, njaminenele mu lifuti lino njakulaesele vakukulwila veni. Co njendekele ngwange, ‘Kunjikapokola cikumiiyo cange neni.