Kushangumuka 24:3 - Livulu lya Shukulu Kalunga

³ Njishaka yove ulisinge mu lizina lya Shukulu Kalunga Njambi ou wa lilu na asi, ngeci kesi ukambatele munange munakazi wa ku muyati wa vaKanana ava njinatungu navo embwe.

Kushangumuka 24:3 Iomraidhean Croise

Kushangumuka 14:19

Co wavezikisile Avilama, nakwendeka ngwendi, “Njambi wa Akamwa ya Akamwa, uje watangele lilu na asi, avezikise Avilama!

Kushangumuka 14:22

Oloni Avilama wamukumbulwile ngwendi, “Njilisinga ku mesho a Shukulu Kalunga, Njambi wa Akamwa ya Akamwa, uje watangele lilu na asi,

Kushangumuka 21:23

Ngecivene, lisinge ano vene ku mesho a Njambi ngeci kesi ukanjikwise, nambe kukwisa vana vange, nambe vatekulwila vange. Omwo yange njakulingi mwamuvwa, ngeci nove lalo unapande kunjikulaesa ngwove ukanjilinga mwamuvwa mu lifuti lino muulinakukala.”

Kushangumuka 24:7

Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje.

Kushangumuka 27:46

Lembeka wendekele kuli Isake ngwendi, “Njinajuka ali vanakazi va Isau va vaHiti. Nga na Yakomba lalo akambata umo wa vanakazi va vaHiti ngwe ava, mwamuvwa kuli yange nga kutsa vene.”

Kushangumuka 28:1

Asinoni Isake wasanene Yakomba, wamuvezikisile, co wamushikile ngwendi, “Kesi ukambate munakazi kaKanana.

Kushangumuka 28:8

Co omo Isau wazivile ngeci ishe Isake kashakele vanakazi va mu Kanana,

Kushangumuka 34:9

Tulinge lizivasano ngeci kukakale kulyambatela akati ka vanu vetu na vanu vove,

Kushangumuka 38:2

Co Yunda wamwene mumbanda kaKanana, lizina lya ishe lyapwile Shuwa, ngeci wamwambatele,

Kushangumuka 47:31

Co Yakomba wendekele ngwendi, “Lisinge ngwove njikalinga ngeci.” Asinoni Yosefa walisingile, ngecivene, Yakomba wakandelelele oku nalala a vulili vwendi.

Kushangumuka 50:25

Asinoni Yosefa wehwile vandolome vendi ngeci valisinge. Co wendekele ngwendi, “Njikulaeseni ngeci omo Njambi akamitundisa mu lifuti lino, mukambate muvila wange.”

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

2 Vimyene 19:15

co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

2 Mizimbu 2:12

Shangazaleni Shukulu Kalunga Njambi ya Isalele, uje watangele lilu na asi, co naana Mwene Ndaviti mwana wa mana, wakushula nakuzivisisa na vutongwe, uje ali na vutumbe vwakutunga Njuvo ya Shukulu Kalunga Njambi, na lipela lyendi vavenya.

Ezela 5:11

“Vakevo vatukumbulwile ngwavo, ‘Yetu tu vangamba va Njambi wa mwilu na asi, tulinakutungulula Njuvo ya Shukulu Kalunga ije ivatungile laja nakuyivwaesa kuli mwene wakama wa Isalele.

Nehemiya 13:25

Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Myaso 115:15

Shukulu Kalunga uje watangele lilu na asi amivezikise.

Myaso 136:26

Kandeleleni kuli Njambi wa mwilu, omwo cizemo cendi cije kucesi kutenguluka cakala ku myaka yoshe.

Kutuuka 20:7

“Kesi mukapangese lizina lyange mwamuvi, omwo yange Kalunga Njambi yeni, njikahisa voshe vaje vakapangesa lizina lyange mwamuvi.

Kutuuka 22:11

uje munu napande kuya ku mwela wakulemesela nakulisinga ngwendi kesi ikeye nevi uje cimuna ca mukwavo. Co nga uje cimuna kuvamwivile, uje munu kesi na mulonga, co uje mukwavo kapandele kumufwetela.

Kutuuka 23:13

“Co tolilileni ku vyuma vyoshe vije vinjendeka kuli yeni yange Kalunga. Kesi mulombele kuli vinjambi veka, kesi muvatumbozole nameme a mazina avo.

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 12:16

Miyati ya vanu ava vakevo valongesele vanu vange kulemesa Mbale. Oloni nga vakendeka ngwavo yange Kalunga njapwa Njambi wa vushunga, co vatava lalo vanu vange ngeci vavalongese muje vanapande kunjilemesela, miyati ya vanu veka ava navo lalo vakapwa vanu vange.

Njelemiya 29:6

Ambateni ngeci mukale na vana. Co lalo taveseni vana veni vambate, nakushomboka ngeci vakale na vana lalo. Munapande kutuma kesi mutepuluke.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

VaLevi 19:12

Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Kulava 5:21

Shukulu Kalunga asinge lizina lyove akati ka vavushoko vwove. Co ukapwa muka-kujombwesa limbo nameme kushoka shivu.

1 Kolinte 7:39

Munakazi wakushomboka kapatukile omo munalume wendi acili nakuyoya, oloni nga munalume wendi natsi, co napatuka asa kushomboka kuli woshe yashaka, oloni kuvanga muka-Yesu.

Kwituluka mu Mashiko 10:20

Ononokeni Shukulu Kalunga Njambi yeni nakumupangela. Kakateyeni kuli ikeye nakulisinga mu lizina lyendi lika.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

VaHevelu 6:16

Omo vanu vakalingi cisingo vakapangesa lizina lya munu umo uje navahyana, co eci cikeco cikamanesa vimata vyoshe akati ka vanu.

Yoshwa 2:12

Cooni ololo lisingeni mu lizina lya Shukulu Kalunga ngweni mukalinga mwamuvwa nakuzivila ngozi vavushoko vwange ngwe omo yange njinamwesa ngozi kuli yeni. Njaneni cimweso cimo ngeci njimikulaele

Maako 14:3

Oloni ishe na vaina vamwihwile ngwavo, “Omwo vikajo ushaka kuya kuli vaFilisitiya ava vaka-kujeneka kukulaela nakwambatelako munakazi? Kuma kuwasa kuwana mumbanda wa ku cikota cetu wa ku vushoko vwetu ndi?” Oloni Samusoni walekele ishe ngwendi, “Ikeye lika njishaka ngeci munjambateleye. Njimushaka nanjii ku mbunge.”

1 Samwele 20:17

Co Yonatana wasingisile Ndaviti cikulaeso cakumuzema. Omwo Yonatana wazemene manene Ndaviti ngwe mwalizemene ikeye vavenya.

1 Samwele 30:15

Co Ndaviti wamwihwile ngwendi, “Wasa kunjitwala kuli vaje vitozi ndi?” Co ikeye wamukumbulwile ngwendi, “Njikutwala, nga ulisinga mu lizina lya Njambi ngeci kuukanjitsii nambe kunjana ku mavoko a shukulu yange.”