Kushangumuka 24:13 - Livulu lya Shukulu Kalunga

¹³ Kenga, yange uno njili ano a lisima, aje vambanda va mu nganda vakaija-ija nakutekula mema.

Kushangumuka 24:13 Iomraidhean Croise

Kushangumuka 24:11

Omo wetele kuje, co tumelo vavutamene ku lisima anja ya nganda. Capwile cingwezi, simbu ije vanakazi vakaija-ija ku lisima nakutekula mema.

Kushangumuka 24:14

Co njikendeka kuli umo wavo ngwange, ‘Mwane, njaneko mema njinwe.’ Nga akendeka ngwendi, ‘Nwa, co lalo njikanena mema a tumelo twove,’ ou ikeye vene iwangwile kupwa munakazi wa ngamba yove Isake. Nga eci cikalingiwa, co njikazivuka ngwange yove unamwesa cikulaeso cove cije kucesi kutenguluka kuli shukulu yange.”

Kushangumuka 24:43

Kenga, yange uno ano a lisima. Omo mumbanda aija mukutekula mema a lisima, njikamulomba kunjanako mema akunwa a mu njava yendi.

Myaso 37:5

Kundika ngila yove kuli Shukulu Kalunga, kulaela kuli ikeye, co akakukwasa,

Kutuuka 2:16

Co muka-kukombelela wa ku Mindyani wakele na vana vendi vatanu na vavali va vanakazi. Co vaje vambanda vezile nakutekula mema. Vashulisile mato muje vakele nakunwila vimanga na vimembe va ishavo.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Yowano 4:7

Munakazi umo kaSamaliya wezile nakutekula mema, co Yesu wendekele kuli ikeye ngwendi, “Njaneko mema njinwe.”

Maako 5:11

Tolilileni muyoyo wa mbunga ya vanu, vaje valizengeleka ku masima, valinakwendeka akuhyana kwa Shukulu Kalunga, akuhyana kwa vanu va Isalele! Asinoni vanu va Shukulu Kalunga vashelumukile mu vinganda vyavo.

1 Samwele 9:11

Co omo vakele nakulamata a lilundu vaye muje mu nganda, valiwanene na vambanda vakele nakwija nakutekula mema. Co vavehwile ngwavo, “Muka-kumona kwali ndi?”