Kushangumuka 23:2 - Livulu lya Shukulu Kalunga

² Co watsililile mu Hevelone mu lifuti lya Kanana, ngeci Avilahama walinyengele nakulila manene a kutsa kwa Sala.

Kushangumuka 23:2 Iomraidhean Croise

Kushangumuka 13:18

Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 23:1

Sala wayoyele myaka 127.

Kushangumuka 23:19

Ngecivene, Avilahama watsindile munakazi wendi Sala mu lizenzengoma lije lya mu lifuti lya Kanana.

Kushangumuka 24:67

Asinoni Isake watwalele Lembeka mu mbalaka ya vaina Sala, co wapwile munakazi wendi. Ngecivene, Isake wazemene Lembeka, walizembelekele nendi a kutsa kwa vaina.

Kushangumuka 27:41

Co Isau wazindile Yakomba, omwo ikeye Yakomba watambwile civezikiso cije capandele kupwa ca Isau. Co Isau wayongwele ngwendi, “Simbu yakulila tate ili muyehi, akeo anjikatsiila ndolome yange Yakomba.”

Kushangumuka 35:27

Yakomba waile kuli ishe Isake ku Mamele, muyehi na Kilyate Alemba ikeyo Hevelone, kuje kuvakele va Avilahama na Isake.

Kushangumuka 37:14

Co ishe wamulekele ngwendi, “Ya ukamone vandolome vove nga vanenduka mwamuvwa na matanga oshe. Co ukeluke wakunjilekeko.” Ngecivene, ishe wamutumine ku vungenzi vwendi kutunda ku Cimbongo ca Hevelone. Asinoni Yosefa wetele ku Shekeme.

Kushangumuka 50:1

Yosefa walyalangele ali ishe, walilile nakutsemba cihanga ca ishe.

Kushangumuka 50:10

Omo vetele ku mwela wa lijungwilo ku Atande mu ngangela ya Yondau, valilile nakukangoka simbu yakama manene, co Yosefa walingile ciwano cakulila ishe matangwa atanu na avali.

2 Samwele 1:12

Valinyengele manene nakulila, valikelele kulya noo cingwezi omwo Saulu, na Yonatana, na vaIsalele, vanu va Shukulu Kalunga, omwo vavangi manene vatsile mu nzita.

2 Samwele 1:17

Ndaviti wembile mwaso ou wakulila Saulu na munendi Yonatana,

2 Samwele 2:11

Ndaviti washwanene mu Hevelone na mu Yunda myaka itanu na ivali na vingonde vitanu na imo.

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

2 Samwele 5:5

Ndaviti wakele ku Hevelone omo washwanene mu Yunda myaka itanu na ivali na vingonde vitanu na imo, co waile ku Yelusalema kuje washwanene Isalele na Yunda myaka makumi atatu na myaka itatu.

1 Mizimbu 6:57

Vatekulwila va Alone vavaanene membo a vutewelo, Hevelone, na Limbena, na mitambela yayo yakulila vimuna, Njatile, Eshetemowa, na mitambela yayo yakulila vimuna,

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

Nehemiya 11:25

Vanu vavangi vakele mu vinganda kuyehi na mahya avo. Vaje va ku muyati wa Yunda vakele mu Kilyate Alemba, na mu Ndimboni, na mu Njekambezele, na mu membo a muyehi na vinganda evi.

Njelemiya 22:10

Yeni vanu va mu Yunda, kesi mulile Mwene Yosiya nambe mulinyenge a kutsa kwendi. Oloni lileni manene munendi Yowahaze, valinakumutwala kulyala kakeluka lalo embwe, nambe kumona lifuti lyendi lya cisemwa.

Njelemiya 22:18

Ngecivene, Shukulu Kalunga alinakwendeka ali Yehoyakime muna Yosiya mwene wa mu Yunda ngwendi, “Naumo wai akamulila nambe kwendeka ngwendi, ‘Kekange yaya, kekange ndolome yange!’ Naumo wai akamulila ngwendi, ‘Kekange shukulu yange!’ ‘Kekange mwene yange!’

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

Kulava 20:29

Mbunga yoshe vanangukile ngwavo Alone nakatsa vene, co mbunga yoshe ya vanu va Isalele vamulilile matangwa makumi atatu.

Yowano 11:31

Omo vanu vaje vakele amo na Maliya mu njuvo nakumuzembeleka vamukavele omo vamumwene akatuka vwasi nakutuuka anja. Vayongwele ngwavo amo alinakuya ku mbumbo nakulililako.

Yowano 11:35

Yesu walilile.

Vilinga vya Miluwa 8:2

Vamo vanalume va kulongwa vatsindile Setefano, vamulilile manene.

Kwituluka mu Mashiko 34:8

Co vanu va Isalele vamulilile matangwa makumi atatu mu vyana vya Mowavi.

Yoshwa 10:39

Wafungulwile ije nganda na mwene wayo na membo oshe akwatako. Co vanyongesele vanu voshe vakele muje, naumo wai wasalelemo na mwonyo. Yoshwa walingile ku Ndembile na mwene wayo ngwe muje mwalingile ku Hevelone na ku Limbena na vimyene va muje mu vinganda vivali.

Yoshwa 15:13

Co Kalembi muna Njefune wa ku muyati wa Yunda vamwanene litambelo lya mutambela wa Yunda ngwe muje mwashikile Shukulu Kalunga kuli Yoshwa. Watambwile nganda ya Hevelone, ikeyo nganda ya Alemba ishe ya Anake.

Yoshwa 15:54

na Humeta, na Kilyate Alemba (ikeyo Hevelone,) na Ziyole. Vinganda vyoshe evi vyapwile vitanu na viwana, kukumbasanako na vinganda vije vyavizengelekele.

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Yoshwa 21:11

Co vavaanene nganda ya Kilyate Alemba, (Alemba wapwile ishe ya Anake), co ololo vaitumbula ngwavo Hevelone, mu lifuti lya malundu lya Yunda, amolika na mutambela wakulila vimuna uje wazengelekeleko.

Maako 1:10

Co vaile nakulwisa vaKanana vaje vakele mu nganda ya Hevelone, laja Hevelone vaitumbwile ngwavo Kilyate Alemba. Co kuje vakafungulwile vikota vya Sheshai, na Ahimene, na Talemai.

1 Samwele 20:31

Kuma yove kuwanangukile ngeci nga Ndaviti ayoya, co kuukasa kupwa mwene mu lifuti lino ndi? Ololo ya ukamushake, napande kutsa!”

1 Samwele 25:1

Samwele watsile, vaIsalele voshe vakungulukile nakumulila. Co vamutsindile mwimbo lyendi mu Lama. Munima yevi, Ndaviti waile mu mambo ya Palane.

1 Samwele 28:3

Omo Samwele natsi laja, co vaIsalele voshe vamulilile, vamutsindile mu nganda yendi mu Lama. Saulu te nasheke laja vaka-kwendeka na vakulu voshe amolika na vaje vaka-kutaa mu Isalele.