Kushangumuka 22:8 - Livulu lya Shukulu Kalunga

⁸ Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.

Kushangumuka 22:8 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

Kushangumuka 22:14

Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”

Kushangumuka 22:7

Isake wendekele kuli ishe ngwendi, “Tate!” Ishe wamukumbulwile ngwendi, “Ewa munange.” Isake wehwile ngwendi, “Njinamono lika manungu a tuhya na vitale, oloni muna manga wa n̄ombelo ya kwenyeka ali kulijo?”

Kushangumuka 22:9

Omo vetele ku mutambela uje wamulekele Njambi, Avilahama watungile mutula, waakeleo vitale. Co wakutile munendi nakumulangeka a mutula akamwa ya vitale.

2 Vimyene 2:6

Co lalo Elinja wendekele kuli Elisha ngwendi, “Sala kuno, Shukulu Kalunga nanjitumu njiye ku Ndonga ya Yondau.” Oloni Elisha wamukumbulwile ngwendi, “Njilisinga ali Shukulu Kalunga wakuyoya na ali yove ngwange kunjikuseze embwe.” Ngecivene, vaile amo ku Ndonga ya Yondau,

2 Mizimbu 25:9

Amaziya wehwile muka-kwimanena ngwendi, “Vationi a siliva ije injinavafwete laja?” Muka-kwimanena wamukumbulwile ngwendi, “Shukulu Kalunga akakwilwisila vyavingi kutuvakana vije!”

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.