Kushangumuka 22:7 - Livulu lya Shukulu Kalunga

⁷ Isake wendekele kuli ishe ngwendi, “Tate!” Ishe wamukumbulwile ngwendi, “Ewa munange.” Isake wehwile ngwendi, “Njinamono lika manungu a tuhya na vitale, oloni muna manga wa n̄ombelo ya kwenyeka ali kulijo?”

Kushangumuka 22:7 Iomraidhean Croise

Kushangumuka 22:8

Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.

Kushangumuka 8:20

Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

Kutuuka 12:3

Lekeni mbunga yoshe ya Isalele ngeci a litangwa lyamulikumi ku ngonde eyi, munu na munu akaangule muna manga nambe muna membe ngwe ku naanga yendi.

Kutuuka 29:38

“A litangwa na litangwa simbu yoshe ya kulutwe, ukakombelela a mutula vana va vimanga vavali va mwaka umolika.

Mateo 26:39

Co washwenyeleko kulutwe kamandondo, wavulumanene, co walombelele ngwendi, “Tate, nga citava, nganja eyi ya kayando itunde kuli yange! Kesi ngwe mwaya cizango cange embwe, oloni cizango cove cilingiwe.”

Mateo 26:42

Lalo simbu yamucivali waile, co walombelele ngwendi, “Tate, nga nganja eyi ya tuyando kuyasa kunjituvakana kuvanga njiinwe, cizango cove cilingiwe.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Yowano 18:11

Yesu wendekele kuli Petulu ngwendi, “Shomeka mukwale wove mu cindalo cawo! Kuma uyongola ngwove kunjasa kunwa nganja eyi ya kayando yananjana Tate ndi?”

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.