Kushangumuka 22:4 - Livulu lya Shukulu Kalunga

⁴ A litangwa lyamucitatu, Avilahama wandwile mesho endi, co wamwene mutambela uje alyala kamandondo.

Kushangumuka 22:4 Iomraidhean Croise

Kushangumuka 22:3

Alikaki mutondo-tondo, Avilahama wacavele vitale vyakukakombelela navyo, co walemekele cimulu cendi, waile na Isake, amo na vangamba vavali ku mutambela uje wamulekele Njambi ngeci ayeko.

Kushangumuka 22:5

Asinoni wendekele kuli vangamba vendi ngwendi, “Saleni kuno amo na cimulu. Co yange na munange tuya kuje nakulemesa, asinoni tukeluka lalo kuli yeni.”

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

Esita 5:1

A litangwa lyamucitatu lyakulikela kulya, Esita wazalele vuzalo vwendi vwa vushano, co waile nakwimana mu cipango ca mukati ka lipela, kushungama ku mulili wa litanda. Mwene wakele mukati, watumbamene a litanda lya vumwene, kukengesa ku cikolo.

Kutuuka 15:22

Asinoni Mosesa watwamenenene vanu va Isalele kutunda ku Lishali Lyakuvenga nakweta mu mambo ya Shule. A matangwa atatu vendele mu mambo, oloni kuvawanene mema.

Kutuuka 19:11

ngeci valivwaesele litangwa lya indele. Co a litangwa lije vene, yange Kalunga njikashulukila akamwa ya Munkinda wa Sinai, kuje vanu voshe vakanjimona.

Kutuuka 19:15

co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”

Kutuuka 5:3

Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

VaLevi 7:17

oloni situ yoshe ije ikasalao kweta ku litangwa lyamucitatu vanapande kuyenyeka.

Kulava 10:33

Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 19:12

Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe.

Kulava 19:19

Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.

Kulava 31:19

Oloni yeni voshe munatsii vanu, nambe vaje vanakwata a civimbi, munapande kukala anja ya cilombo matangwa atanu na avali. Co lijeleseni a litangwa lyamucitatu, na a litangwa lyamucitanu na avali amolika na vaje vinzinda munakafungulwile.

Mateo 17:23

co vakamutsiya, oloni omo kuneti matangwa atatu akasanguka.” Co vandongisi vazivile vusiwa vwakama manene.

Luka 13:32

Yesu wavakumbulwile ngwendi, “Yeni mukamuleke owo mbanje ngweni, ‘Njicili nakutundisa minzinzime yakujwala nakukangwisa vanu ku mishongo yavo ku litangwa lyalelo na imene, co a litangwa lyamucitatu asinoni njikamanesa vipangi vyange.’

1 Kolinte 15:4

ngwavo vamutsindile, co munima ya matangwa atatu wasangukilile ku mwonyo, ngwe muvanasoneka mu Visoneka,

Yoshwa 1:11

kwita mu cilombo nakwendeka kuli vanu va Isalele ngwavo, “Vwaeseni vyakulya, indele mukajavuka Ndonga ya Yondau nakukovela mu lifuti lije lyakamyana Shukulu Kalunga Njambi yeni ngeci mulishwane.”

1 Samwele 26:13

Asinoni Ndaviti waile musambwa ya cana, wemanene akamwa ya lilundu, apwile alyala kamandondo na cilombo,