Kushangumuka 22:13 - Livulu lya Shukulu Kalunga

¹³ Avilahama wandukile, co wamwene lijamba lya manga nakwatiwa ku vimbinga mu liputa. Asinoni waileko nakumukwata, co wamukombelelele kupwa mulambu wa kwenyeka mukumwingisa muli munendi Isake.

Kushangumuka 22:13 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 22:14

Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”

Kushangumuka 22:8

Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.