Kushangumuka 22:12 - Livulu lya Shukulu Kalunga

¹² Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 22:12 Iomraidhean Croise

Kushangumuka 20:11

Avilahama wamukumbulwile ngwendi, “Njalingile eci omwo njayongwele ngwange kumwesi kukomoka Njambi, co njayongwele lalo ngwange amo umo weni akanjitsiya nakwambata munakazi wange.

Kushangumuka 22:13

Avilahama wandukile, co wamwene lijamba lya manga nakwatiwa ku vimbinga mu liputa. Asinoni waileko nakumukwata, co wamukombelelele kupwa mulambu wa kwenyeka mukumwingisa muli munendi Isake.

Kushangumuka 22:16

“Njilisinga a lizina lyange. Yange Kalunga njinendeka ngwange, njikatumisa manene vivezikiso vyove omwo yove unalingi cuma eci, omwo unatavele kunjana munove umolika.

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Kushangumuka 26:5

Njikakuvezikisa omwo Avilahama wanjononokele, co wanyungile mashiko ange oshe na vizilika vyange vije vinjamushikile.”

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Yombi 5:19

Co ku simbu na simbu akakwamena ku vushonde,

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Myaso 2:11

Pangeleni Shukulu Kalunga nakujaja,

Myaso 25:12

Vaje vakomoka Shukulu Kalunga vakavalongesa ngila ije ivanapande kwendelamo.

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Njelemiya 19:5

vanatungila Mbale mutula ngeci venyekeleo vana vavo kupwa vin̄ombelo vya kwenyeka. Kunjavashikile kulinga ngeci embwe, nameme kuciyongola mu mbunge yange.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

VaHevelu 11:19

Omwo Avilahama wakulaelele ngeci Njambi asa kusangula Isake ku vatsi, mukemwo vene Avilahama watambwile Isake ku vatsi.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

Kujombolola 19:5

Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.