Kushangumuka 21:9 - Livulu lya Shukulu Kalunga

⁹ Litangwa limo Ishimela, muna Avilahama, uje yakitile na Hangale kaIngito, wakele nakweha na Isake muna Sala.

Kushangumuka 21:9 Iomraidhean Croise

Kushangumuka 16:1

Salai munakazi wa Avilama, kakitile vana. Oloni wakele na ndungo yendi wa mumbanda wa kaIngito lizina lyendi Hangale.

Kushangumuka 16:15

Hangale wakitile mwana wa munalume, wamulukile lizina lyendi Ishimela.

Kushangumuka 17:20

Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama.

Kushangumuka 21:8

Mwana wakulile, co omo wetele a litangwa lije washumukile, Avilahama walingile ciwano cakama.

2 Mizimbu 30:10

Co miluwa vaile ku nganda na nganda ya mu lifuti lya miyati ya Efalime na Manase, vetele ku kunto ku muyati wa Zembuloni, oloni vanu vavashendumwine nakuvajola.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Yombi 30:1

“Oloni ololo vaje vanapu vanike kuli yange, valinakunjiyeluwisa! Vaishavo simbu yoshe kuvesi na seo ngeci kunjatavesele tutali twange kukwasa kunyunga vimanga.

Myaso 22:6

Oloni yange kunjapwile lalo nji munu, njinapu lika nji musonginyi, njinapu nji munu wakushauka, munu uje ivakayeluwisa vanu voshe!

Myaso 42:10

Muvila wange unavupuka na kashaundu kavo, omo valinakunjihozola ngwavo “Njambi yove ali kulijo?”

Visimo 20:11

Vilinga vyavivwa nambe vilinga vyavivi vije vyalinga mwanike, visholola cifwa ca uje mwanike.

Visimo 22:10

Nga usheka vaje vashendumuna vakwavo, kulijokota na lwozi vikahwa.

Mbimbi 1:7

A matangwa a tuyando, Yelusalema alinakwanuka vuyoye vwavuvwa vuje vwayoyele a matangwa a kunima, oloni napu ngundu. Omo wakele mu mavoko a vitozi, naumo wai wamukwasele. Vaje vamufungulwile vajolele akuwa kwendi.

Ngalatiya 4:22

Alinakwendeka ngwawo Avilahama wakele na vana vavali va vanalume, umo kuli munakazi wa ndungo, mukwavo kuli munakazi uje kesi ndungo.

Ngalatiya 4:29

A simbu ije uje mwana ivakitile ku cisemwa ca vanu wapakesele uje ivakitile omwo Munzinzime wa Njambi, co cinapu cuma cimolika ololo.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.