Kushangumuka 21:6 - Livulu lya Shukulu Kalunga

⁶ Sala wendekele ngwendi, “Njambi nanjinenela mbwase nakujolela. Vanu voshe vakaziva a cuma eci vakajolela amo nange.”

Kushangumuka 21:6 Iomraidhean Croise

Kushangumuka 17:17

Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?”

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 126:2

Twajolelele manene, co twembile myaso yakuvwaelela! Asinoni miyati yeka vendekele kuli yetu ngwavo, “Shukulu Kalunga nalingi vyuma vyakukomokesa kuli vanu vendi.”

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Isaya 49:21

Asinoni ukendeka mu mbunge yove ngwove, ‘Iyajo wanjikitilile vana ava voshe? Vana vange voshe vatsile, co njakele ange lika, ngwe munu uje ivashekele. Yange njakele mu vunzinda, nakunjitwala kulyala, iyajo nalele vana ava? Njasalele ange lika, co vana ava vanatundu kulijo?’ ”

Isaya 54:1

Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Njelemiya 20:15

Apwe wakusinga munalume uje wanenele muzimbu wakujolela kuli tate ngwendi, “Mwana wa munalume nasemuka!”

Luka 1:14

Ukavwaelela nakujolela, co vavangi vakalisamba akusemuka kwendi!

Luka 1:58

Vandambo na vavushoko vwendi vazivile vyuma vije vyamulingililile Shukulu Kalunga, co voshe vavwaelelele amo nendi.

Loma 12:15

Vwaeleleni na vaje valinakuvwaelela, lileni na vaje valinakulila.

VaHevelu 11:11

Akukulaela, Avilahama wapwile cisemi nambe ikeye wakuluvalele manene, co na Sala lalo kasele kukala na vana. Wakulaelele kuli Njambi kunyunga cikulaeso cendi.

1 Samwele 1:26

Co Hana wendekele kuli ikeye ngwendi, “Yove shukulu yange! Unanjanuka ndi? Yange uje munakazi iwamwene wemanene aa kuyehi nove, uje wakele nakulombela kuli Shukulu Kalunga.