Kushangumuka 21:2 - Livulu lya Shukulu Kalunga

² ngecivene, Sala wakele na kafumba, co wakitile mwana wa munalume omo Avilahama te nakuluvala laja. Mwana wasemukile vene a simbu ije yatumbwile Njambi,

Kushangumuka 21:2 Iomraidhean Croise

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Kushangumuka 17:21

Oloni njikakolesa cikumiiyo cange na munove Isake, uje akasemuka kuli Sala a simbu ino vene mungolosika.”

Kushangumuka 18:10

Umo wavo wendekele ngwendi, “Mwa vushunga, a simbu ino vene mungolosika, njikeluka lalo, co kenga, munakazi wove Sala akakita mwana wa munalume.” Sala wakele kunima ya Avilahama, kuje ku cikolo ca mbalaka nakutolilila.

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

Luka 1:36

Anuka mushoni yove Elizaveta. Vamutumbwile ngwavo mumba, oloni nakulisa mwana wa munalume mu vukulukazi vwendi, co ino inapu ngonde yamucitanu na imo.

Vilinga vya Miluwa 7:8

Asinoni Njambi waanene Avilahama cilika cakutuuka kupwa cimweso ca cikumiiyo. Ngecivene, Avilahama watuwile Isake omo kuneti matangwa atanu na atatu kutunda akusemuka kwendi, co Isake watuwile munendi Yakomba, co Yakomba watuwile vana vendi likumi na vavali, vakukulwila vakutsimana va muyati wetu.

Loma 9:9

Omwo cikulaeso ca Njambi vacilingile mu majwi awa ngwavo, “A simbu ino vene mungolosika njikeluka lalo, co Sala akakita mwana wa munalume.”

Ngalatiya 4:22

Alinakwendeka ngwawo Avilahama wakele na vana vavali va vanalume, umo kuli munakazi wa ndungo, mukwavo kuli munakazi uje kesi ndungo.

VaHevelu 11:11

Akukulaela, Avilahama wapwile cisemi nambe ikeye wakuluvalele manene, co na Sala lalo kasele kukala na vana. Wakulaelele kuli Njambi kunyunga cikulaeso cendi.

Yoshwa 24:3

Asinoni njatundisile kukulwila yeni Avilahama, musambwa ya Ndonga ya Yufuleti nakumutwamenena mu lifuti lyoshe lya Kanana. Njatumisile vatekulwila vendi. Co njamwanene Isake.