Kushangumuka 21:16 - Livulu lya Shukulu Kalunga

¹⁶ watumbamene asi alyala kamandondo ngwe nunda ya mamita 100. Walyendekesele mu mbunge yendi ngwendi, “Kunjapandele kumona atsila munange.” Omo watumbamene kuje, co washangumukile kulila.

Kushangumuka 21:16 Iomraidhean Croise

Kushangumuka 21:15

Omo mema oshe ahwile, co Hangale wasezele munendi mwisi ya liputa,

Kushangumuka 27:38

Oloni Isau wendekele lalo ngwendi, “Tate, kuma ukavezikisa lumolika ndi? Nange lalo tate njivezikiseko!” Co walombele nakulila manene.

Kushangumuka 29:11

Asinoni watsembele Lakele, co washangumukile kulila omwo wavwaelelele.

Kushangumuka 44:34

Yange njikeluka vatijo kuli tate nga mukwenje wai? Kunjapandele kumona tuyando mutwija ali tate.”

1 Vimyene 17:12

Co uje fwile wamukumbulwile ngwendi, “Njilisinga mu lizina lya Shukulu Kalunga Njambi yove wakuyoya kunjesi na likende lyai, njili lika na kavunga ka tiliku kakandondo kali mu lilonga, na tumazi twatundondo twa olive tuli mu njava. Njinaija kuno mukucava vitale ngeci njiye navyo ku njuvo tukateleke tuje twatundondo njilinatwo nange na munange. Vikevyo vyakulya vyetu vya mamaneselelo, asinoni tukakala na njala, co tukalanduke.”

1 Vimyene 3:26

Co vaina ya uje mwana, vazivile manene mema ku mbunge ali munendi, co wendekele kuli mwene ngwendi, “Shukulu, shukulu, kesi mutsiye mwanike! Mwaneni vene kuli ikeye!” Oloni uje munakazi mukwavo wendekele ngwendi, “Kesi mumwane kuli umo wetu embwe, mutavuleni vene vimbazuvwila vivali.”

Esita 8:6

Vatijo njikakala nga vukalu ovu vukawana vanu vange, co na vavushoko vwange vene vavatsiye?”

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Luka 15:20

Ngecivene, wakatukile welukile kuli ishe. “Oloni omo wakele kulyala na kwimbo, co ishe wamumwene wamuzivilile mema ku mbunge, co washatukile lumbisi wamuvumbatelele nakumutsemba.

Maako 2:4

Omo kangelo ka Shukulu Kalunga wendekele majwi awa kuli vakevo, co vanu va Isalele voshe vashangumukile kulila nakutambakana manene,

Lute 1:9

Shukulu Kalunga amikwase ngeci mukashomboke nakukakala lalo na vinjuvo vyeni.” Ngecivene, Naumi wavatsembele, oloni vakevo vashangumukile kulila manene,

1 Samwele 24:16

Omo Ndaviti wamanesele kwendeka, co Saulu ngwendi, “Mwa vushunga, yove munange Ndaviti vene ndi?” Co Saulu washangumukile kulila.

1 Samwele 30:4

Co Ndaviti na vanu vendi vashangumukile kulila noo vajukile.