Kushangumuka 20:9 - Livulu lya Shukulu Kalunga

⁹ Asinoni Ambimeleki wasanene Avilahama nakumwihula ngwendi, “Vika walingi kuli yetu? Vuvi mukajo njalingi kuli yove mukunjikokela mulonga ou yange na vumwene vwange? Naumo wai napande kulinga evi viwunalingi kuli yange.

Kushangumuka 20:9 Iomraidhean Croise

Kushangumuka 12:18

Co mwene wasanene Avilama nakumwihula ngwendi, “Avilama vikajo wanjilingilamo ngeci? Omwo vikajo kuwanjilekelele ngwove Salai wapwa munakazi wove?

Kushangumuka 20:10

Omwo vikajo unalingilamo ngacije?”

Kushangumuka 20:8

Alikaki mutondo-tondo, Ambimeleki wasanene vamyata vendi voshe, wavalekele vije vyalingiwile, co valikomokelele manene.

Kushangumuka 26:10

Co Ambimeleki wendekele kuli ikeye ngwendi, “Omwo vikajo walingilamo ngacije kuli yetu? Nga umo wa vanu vange nalalele na munakazi wove, nga unatuwanesa mulonga.”

Kushangumuka 29:25

Alikaki mutondo Yakomba wanangukile ngeci kuma vanamwana Leya. Ngecivene, waile kuli Lambani nakwendeka ngwendi, “Vikajo wanjilingila ngeci? Yange njapangelele Lakele. Omwo vikajo unanjikwisila?”

Kushangumuka 34:7

A simbu ije vene vana va Yakomba vezile kutunda mu cana. Omo vazivile a cuma eci, co vazivile manene kuvavala ku vimbunge na vukalu ali Shekeme, omwo ikeye nalingi cuma cakufwa ngacije cakutuka vanu va Isalele akukwata muna Yakomba nakumuwisa. Cuma cangacije kucapandele kulingiwa.

Kushangumuka 38:24

Omo kwetile vingonde vitatu, munu umo walekele Yunda ngwendi, “Vanyokomweno Tamale valipwisile cikwizi, vali na kafumba.” Yunda washikile ngwendi, “Mutuwiseni anja ya nganda nakumwenyeka atse.”

Kushangumuka 39:9

Njili na moko yakama manene muno mu njuvo ngwe ije yalinayo, co kanjivindikile cuma cimo kuvanga yove munakazi wendi. Vatijo njasa kulinga cuma cacivi ngacije nakuvulumuna kuli Njambi?”

2 Samwele 12:5

Co Ndaviti waluvalele manene ali uje muka-kufuka, wendekele ngwendi, “Njilisinga ali Shukulu Kalunga wakuyoya ngeci ou munalume nalingi eci napande kutsa!

2 Samwele 13:12

Co Tamale wamukumbulwile ngwendi, “Embwe ndolome yange. Kesi unjisindiye kulinga cuma ca shwamwa ngacije! Capwa cuma cacivi!

Kutuuka 32:21

Co Mosesa wendekele kuli Alone ngwendi, “Vikajo vanalingi vanu ava kuli yove, ngeci uvakovelese mu vuvi vwakukomokesa ngacije?”

Kutuuka 32:35

Ngecivene, Shukulu Kalunga watuminine vanu mushongo wakulitambwisa omwo vasindiiye Alone kuvamungila muna ngombe wa nkomba wa ngolinde.

Visimo 28:10

Uje aungumwisa vaka-vushunga mu ngila ya vuvi, akatsa mu mweto wendi. Oloni vaka-vushunga vakatambula cikandelela cacivwa.

VaLevi 20:10

“Nga munalume alinga vupangala na munakazi wa mukwavo kaIsalele, muvuvali vwavo vavatsiye.

Loma 2:11

Omwo Njambi akahisi munu woshe na seteko imo.

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yoshwa 7:25

Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.