Kushangumuka 20:7 - Livulu lya Shukulu Kalunga

⁷ Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

Kushangumuka 20:7 Iomraidhean Croise

Kushangumuka 12:15

Co vamo vamyata va mu mbanja omo vamwene Salai, vakalekele mwene vuvwa vwa Salai, ngecivene, Salai vamutwalele ku lipela lya mwene.

Kushangumuka 12:17

Oloni omo mwene wambatele Salai, co Shukulu Kalunga watumine mishongo yakukomokesa manene ali mwene, na ali vanu vendi va mu lipela.

Kushangumuka 2:17

oloni ku vushuka vwa muti wa mana akuzivuka vuvwa na vuvi, kesi ukalyeko. Omwo nga ukalyako, co ukatsa ku litangwa lije vene.”

Kushangumuka 20:18

Eci calingiwile omwo Shukulu Kalunga washokele shivu ya vanakazi voshe vaje vakele mu lipela lya Ambimeleki, omwo ya vije vyalingiwile ali Sala munakazi wa Avilahama.

Kushangumuka 20:3

Co ku vutsiki vuje vene, Njambi washolokele kuli Mwene Ambimeleki mu njozi nakwendeka ngwendi, “Utsa, omwo unambata munakazi wambala, ikeye washomboka laja.”

Kushangumuka 20:8

Alikaki mutondo-tondo, Ambimeleki wasanene vamyata vendi voshe, wavalekele vije vyalingiwile, co valikomokelele manene.

Kushangumuka 23:6

“Tutolilileni mwane. Yove unapu u ntwama wakama akati ketu, tsinda munakazi wove mu mbumbo yaivwa manene eyi tulinayo. Naumo wai asa kuvindika mbumbo ngeci kesi utsindemo munakazi wove.”

2 Samwele 24:17

Ndaviti wamwene kangelo uje wakele nakutsiya vanu, co wendekele kuli Shukulu Kalunga ngwendi, “Yange vene njili na mulonga. Yange njalingile mwamuvi. Indi ava vanu vayanda vanalingi vikajo? Yove unapande kuhisa yange na naanga yange.”

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

2 Vimyene 5:11

Oloni Namane wateketele, co waile, wendekele ngwendi, “Yange njayongwele ngwange amo akaija kuli yange, nakulombela mu lizina lya Shukulu Kalunga Njambi yendi, nakwolwela livoko lyendi aje a cipapi ca mbumba nakunjikangwisa!

1 Mizimbu 16:22

Wendekele kuli vakevo ngwendi, “Kesi muvulumune vangamba vange vakwangula, co kesi muvulumune vaka-kwimanena vange.”

2 Mizimbu 30:18

Co vungi vwa vanu vatundile ku miyati ya Efalime na Manase na Isakale na Zembuloni kuvalijelesele, co valisambele Ciwano ca Pasovala mu ngila yeka kesi ngwe muje muvacisonekelele. Co Mwene Hezekiya wavalombelelele ngwendi,

Yombi 34:19

Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Kutuuka 18:17

Asinoni Yetolo wendekele ngwendi, “Eci kuwesi nakucilinga mu ngila yaivwa.

Kutuuka 4:16

Ikeye akapwa muka-kukwendekelako kuli vanu. Co yove ukapwa ngwe Njambi kuli ikeye akumuleka vyakendeka.

Kutuuka 7:1

Co Shukulu Kalunga wendekele kuli Mosesa ngwendi, “Kenga, njikakupwisa ngwe u Njambi kuli mwene, co ndolome yove Alone akendeka kuli ikeye ngwe muka-kwimanena wove.

Njelemiya 14:11

Shukulu Kalunga wendekele kuli yange ngwendi, “Njelemiya, kesi ulombelele vanu ava ngeci vavezike embwe.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 27:18

Nga vanapu vaka-kwimanena va vushunga, co lalo vali na lijwi lyange, vanjilombe yange Kalunga Muka-nzili yoshe, ngeci vufuko vuje vunasala mu Njuvo yange na mu lipela lya mwene wa mu Yunda na mu Yelusalema kesi vavutwale ku Mbambilone.”

Ezekiyele 3:18

Nga njikuleka ngwange muka-vuvi atsa, oloni yove kuumunangula ngeci atunde ku vingila vyendi nakwamena mwonyo wendi, ikeye akatsa, anga acili muka-vuvi, oloni mulonga wa kutsa kwendi ukakala ali yove.

Ezekiyele 33:8

Nga njambulula ngwange munu woshe muka-vuvi akatsa, oloni yove kuumunangula ngeci atenguluke ku vingila vyendi ayoye, co atsa anga nacipu muka-vuvi, co njikakwana mulonga omwo a kutsa kwendi.

VaLevi 6:4

omo munu nalingi vuvi mu ngila imo, co akelwise cije catambwile mu ngila ya vwizi.

VaLevi 6:7

Muka-kukombelela akaambesa uje munu ku mesho a Shukulu Kalunga, co vakamusambesa.”

Vilinga vya Miluwa 8:24

Co Simoni wendekele kuli Petulu na Yowano ngwendi, “Njilombeleleniko kuli Mwene ngeci vyuma evi vimunendeka kesi vilingiwe kuli yange.”

1 Kolinte 14:4

Vaje vendeka mu vindaka vyeka valinakulikwasa lika vakevo vavenya, oloni vaje vambulula lijwi lya Njambi valinakukwasa cikungulukilo coshe.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 7:5

Asinoni Samwele wasanene vaIsalele voshe valiwanene ku Mizipa, co wavalekele ngwendi, “Njikamilombelela kuli Shukulu Kalunga kuje vene.”

1 Samwele 7:8

vendekele kuli Samwele ngwavo, “Kesi ulikele ku tulombelela kuli Shukulu Kalunga Njambi yetu ngeci atwamene kuli vaFilisitiya.”