Kushangumuka 2:9 - Livulu lya Shukulu Kalunga

⁹ Co wamenesele miyati yoshe ya miti, ije yapwile yaivwa mukuyikenga na mesho nakwima vushuka vwavuvwa. Co mukati ka lihya mwakele miti ivali, muti wa mwonyo, na muti wa mana akuzivuka vuvwa na vuvi.

Kushangumuka 2:9 Iomraidhean Croise

Kushangumuka 2:17

oloni ku vushuka vwa muti wa mana akuzivuka vuvwa na vuvi, kesi ukalyeko. Omwo nga ukalyako, co ukatsa ku litangwa lije vene.”

Kushangumuka 3:22

Asinoni Shukulu Kalunga Njambi wendekele ngwendi, “Ololo munu nemuka ngwe yetu. Ali na mana akuzivuka vuvwa na vuvi. Kucapandele kumutava lalo kulya ku vushuka vwa ku muti wa mwonyo ngeci akayoye myaka yoshe embwe.”

Kushangumuka 3:24

Omo navasheke laja, co waakele vikashama vakuyoya mu ngangela ya lihya na moko ya mukwale ya mulangi wa tuhya ije yakele nakutenguluka noku-noku, mukunyunga ngila ya ku muti wa mwonyo.

Kushangumuka 3:3

Oloni ku vushuka vwa muti wa mukati ka lihya, Njambi watulekele ngwendi kesi tukalyeko, nameme kukwatako lika, nga tulingamo, co tutsa.”

Kushangumuka 3:5

Njambi nendeka ngacije omwo nazivuka ngeci ku litangwa lije mukalyako mesho eni akatona, co mukalifwa na Njambi, mukazivuka vuvwa na vuvi.”

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Visimo 3:18

Mana anapu ngwe muti wa mwonyo, nsina yakuvwaelela kwa voshe vaje vauvumbatela.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”

Yowano 6:48

Yange likende lya mwonyo.

1 Kolinte 8:1

Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

Kwituluka mu Mashiko 6:25

Nga tupwa va kulongwa mukwononoka mashiko oshe awa anatushiki Shukulu Kalunga Njambi yetu, co cikapwa cakushungama kuli yetu.’

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.

Kujombolola 22:2

co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu.