Kushangumuka 2:8 - Livulu lya Shukulu Kalunga

⁸ Asinoni Shukulu Kalunga Njambi watombekele miti mu Endeni mu ngangela, co waakelemo munu uje yatangele.

Kushangumuka 2:8 Iomraidhean Croise

Kushangumuka 13:10

Lote wakengele ku mutambela wa Zowale, co wamwene Cana ca Yondau coshe cakele na mema amangi, cafwile ngwe Lihya lya Shukulu Kalunga nambe Ingito. Simbu eyi te Shukulu Kalunga kanda acinyongese vinganda vya Sondoma na Ngomola.

Kushangumuka 3:23

Ngecivene, Shukulu Kalunga Njambi wamushekele mu lihya lya Endeni, ngeci akalime livu kuje kwatundile.

Kushangumuka 3:24

Omo navasheke laja, co waakele vikashama vakuyoya mu ngangela ya lihya na moko ya mukwale ya mulangi wa tuhya ije yakele nakutenguluka noku-noku, mukunyunga ngila ya ku muti wa mwonyo.

Kushangumuka 4:16

Kaini waile, watundile ku mesho a Shukulu Kalunga, wakakele mu lifuti lije vatumbwile ngwavo “Kwendangana” lyakele mu ngangela ya Endeni.

2 Vimyene 19:12

Vakukulwila vange vanyongesele vinganda vya Ngozane na Halane na Lezefe, co vatsiile vanu va ku Mbetendene vaje vakele mu Telasale, njambi yavo naumo wai wavamenene.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Ezekiyele 27:23

Vinganda vya Halane, na Kanehe, na Endeni, na vaka-kulandesa va ku Shemba, na vaka-vinganda vya Ashule, na Kilemande, voshe valandulwile nove.

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”

Njwele 2:3

Vakevo vakalya vimena ngwe likuna. Lifuti eli lyapwile ngwe Lihya lya Endeni simbu te kanda vaciije, oloni omo vanalifungulula linapu oni ngwe mambo yangoco, nacimo cai civasezeleo.