Kushangumuka 2:3 - Livulu lya Shukulu Kalunga

³ Ngecivene, Njambi wavezikisile litangwa lyamucitanu na avali, nakulijelesa kupwa litangwa lyakujela lyakulemesa, omwo a litangwa lije akeo ahwimine, akumanesa vipangi vyendi vyakutanga nakulinga vyuma vyoshe.

Kushangumuka 2:3 Iomraidhean Croise

Kushangumuka 1:31

Asinoni Njambi wakengele a vyuma vyoshe vije vyatangele, wamwene ngeci vinavwaa manene. Cingwezi lyatokele, co mutondo lyakile, lije lyapwile litangwa lyamucitanu na limo.

Kushangumuka 2:2

Co a litangwa lyamucitanu na avali Njambi wamanesele vyoshe vije vyatangele, co wahwimine.

Kushangumuka 2:4

Ovu vukevwo vushangumukilo vwa lilu na asi na vyuma vyoshe vije vyatangele. Omo Shukulu Kalunga Njambi wamanesele kutanga lilu na asi na vyuma vyoshe vilimo,

Nehemiya 9:14

Wavalongesele kunyunga Litangwa Lyakuhwima kupwa litangwa lyakujela, co muli ngamba yove Mosesa, wavanene mashiko, na vilongesa.

Kutuuka 23:12

“Pangeni matangwa atanu na limo mu simano, oloni kesi mukapange vipangi a litangwa lyamucitanu na avali, ngeci vindungo veni na vaka-kwija vaje valinakumipangela, nambe vimuna veni vakahwime.

Kutuuka 34:21

“Matangwa atanu na limo mukapanga vipangi vyeni, a litangwa lyamucitanu na avali kesi mukapange, nameme a simbu yakulima nambe a simbu ya kuteja.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Ezekiyele 20:12

Njavanene kunyunga Litangwa Lyakuhwima kupwa cimweso ca cikumiiyo akati ketu, mukuvanukisa ngeci yange njapwa Kalunga, muka-kuvajelesa.

VaLevi 23:3

Muli na matangwa atanu na limo muje mwasa kulinga vipangi vyeni, oloni anukeni litangwa lyamucitanu na avali lyapwa Litangwa Lyakuhwima. A litangwa lije kesi mukapange vipangi, oloni mukakunguluka nakulemesa. Litangwa Lyakuhwima lyapwa lya Shukulu Kalunga, kwoshe kuje mulinakukala.

Mako 2:27

Co Yesu wamanesele ngwendi, “Litangwa Lyakuhwima valipangele omwo munu, kesi munu ivatangelele Litangwa Lyakuhwima.

Luka 23:56

Co velukile kwimbo vavwaesele n̄undu na mazi akunika lwengo ngeci vakuvwavese muvila wendi. Co a Litangwa Lyakuhwima vahwimine, ngwe ku Lishiko.