Kushangumuka 2:25 - Livulu lya Shukulu Kalunga

²⁵ Nameme munalume na munakazi wendi vakele mutotototo, oloni kuvazivile shwamwa.

Kushangumuka 2:25 Iomraidhean Croise

Kushangumuka 3:7

Omo vanali laja, co vakele na mana, valimwene vali mutotototo, ngecivene, vatongele maputa a muti wa mukuyu nakuwazala.

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 31:17

Shukulu Kalunga, shwamwa kesi injikole, omwo njilombela kuli yove, shwamwa ikole vaka-vuvi. Vanapande kwoloka kuluu mu vukalo vwa vatsi.

Kutuuka 32:25

Co Mosesa wamwene ngeci Alone nongumuna vanu nakuvatundisa mu ngila yaivwa nakulinga vyangoco ku mesho a vitozi vavo.

Isaya 44:9

Vanu vaje valinga tumponya kuvesi na seo, na tumponya vaje vavalinakulinga vapwa vangoco. Voshe vaje valemesa tumponya otu vanapu tupuputwa, vali lalo ku nzimba, co vakavazivisa shwamwa.

Isaya 47:3

Vanu vakamona mushelengwa wove, vakamona kulilumbilisa kwove na shwamwa. Co yange njikalinga shambandinga, naumo wai asa kunjivindika.”

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Ezekiyele 16:61

Asinoni ukanuka vije viwalingile, co ukaziva shwamwa omo njikelwisa ndokazi yove wa mukulunu na ndokazi yove wa shongo. Njikakwanavo ngeci vakapwe vana vove va vanakazi, oloni kesi ngwe ku cikumiiyo cove.

Njwele 2:26

Ololo mukakala oni na vyakulya vyavingi vimukalya, co mukakuta. Neni mukashangazala Shukulu Kalunga Njambi yeni, uje namilingila vyuma vyakukomokesa. Co naumo wai akashaula vanu vange lalo.

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 9:26

Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Loma 10:11

Visoneka vyendeka ngwavyo, “Woshe uje akulaela kuli ikeye kakazivi shwamwa.”