Kushangumuka 2:17 - Livulu lya Shukulu Kalunga

¹⁷ oloni ku vushuka vwa muti wa mana akuzivuka vuvwa na vuvi, kesi ukalyeko. Omwo nga ukalyako, co ukatsa ku litangwa lije vene.”

Kushangumuka 2:17 Iomraidhean Croise

Kushangumuka 2:9

Co wamenesele miyati yoshe ya miti, ije yapwile yaivwa mukuyikenga na mesho nakwima vushuka vwavuvwa. Co mukati ka lihya mwakele miti ivali, muti wa mwonyo, na muti wa mana akuzivuka vuvwa na vuvi.

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

Kushangumuka 3:11

Njambi wamwihwile ngwendi, “Iyajo nakulekele ngwendi uli mutotototo? Kuma unali ku vushuka vuje njakulekele ngwange kesi ulyeko ndi?”

Kushangumuka 3:17

Ngecivene, Shukulu Kalunga Njambi wendekele kuli Andama ngwendi, “Omwo yove unatolilila ku lijwi lya munakazi wove, co unalile ku vushuka vuje njakushikile ngwange kesi ulyeko, co omwo unalingi eci, livu linasingiwa. Ukapanga nakuundangana mukuyoya kwove kwoshe, co ukalya vyakulya vyakutunda mu livu.

Kushangumuka 3:19

Ukapanga nakuundangana manene nakutukuta akupanga mu livu, ngeci likamenese vyakulya, noo ukeluka ku livu kuje kuwatundile. Omwo yove watundile ku livu, co ukeluka lalo ku livu.”

1 Vimyene 2:37

Nga utundamo nakuya musambwa ya muna ndonga Kindelone, mwa vushunga vene ukatsa, co mulonga ukapwa wove vavenya.”

1 Vimyene 2:42

co wamusanene wendekele ngwendi, “Njakusingisile mu lizina lya Shukulu Kalunga ngeci kesi utunde muno mu Yelusalema. Co njakunangwile ngeci nga ulingamo, co mwa vushunga ukatsa. Kuma kesi yove watavele nakwendeka ngeci unapande kunjononoka ndi?

Njelemiya 26:8

co omo njamanesele kwendeka vyoshe vije vyanjishikile Shukulu Kalunga, vaka-kukombelela, na vaka-kwimanena, na vanu voshe vanjikokangeyeye nakutambeka ngwavo, “Vanapande kukutsiya a evi unendeka.

Ezekiyele 18:13

nakukumwisa vimbongo ngeci awaneo kakondweso. Kuma akayoya ndi? Embwe, kakayoyo. Nalingi vyuma vyoshe evi vya vunyengwe, co akatsa. Maninga endi akakala a mutwe wendi vavenya.

Ezekiyele 18:32

Kunjashakele munu umo ngeci atse, tengulukeni nakutunda ku vuvi vweni, co mukayoya.” Mwanendeka Shukulu Kalunga wa Akamwa ya Vyoshe.

Ezekiyele 18:4

Mwonyo wa munu woshe wakundama kuli yange, mwonyo wa cisemi na mwonyo wa mwanike lalo. Munu uje alinga vuvi ikeye akatsa.

Ezekiyele 33:14

Njasa kunangula muka-vuvi ngwange atsa, oloni nga alikela kulinga vuvi, co alinga vije vyakushungama na vuvwa,

Ezekiyele 33:8

Nga njambulula ngwange munu woshe muka-vuvi akatsa, oloni yove kuumunangula ngeci atenguluke ku vingila vyendi ayoye, co atsa anga nacipu muka-vuvi, co njikakwana mulonga omwo a kutsa kwendi.

Kulava 26:65

Omwo Shukulu Kalunga wendekele na vanu va Isalele ngwendi, “Mwa vushunga vene muvavoshe mukatsila muno mu Mambo, naumo wai akasalao, kuvanga lika Kalembi muna Njefune, na Yoshwa muna Nune.”

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:22

Omwo vanu voshe vatsa omwo vali amo na Andama, mu ngila eyi vene voshe vakavasangwila ku mwonyo omwo vali amo na Kilistu.

1 Kolinte 15:56

Kutsa cilinakutambula nzili yaco ku vuvi, co vuvi vulinakutambula nzili yavwo ku Lishiko.

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kwituluka mu Mashiko 27:26

“ ‘Cisingo ca Njambi cikale ali munu woshe uje kononoka majwi a mashiko a Njambi nakuwanyunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 30:15

“Kengeni, litangwa lya lelo njilinakumyana kulyangwila akati ka vuvwa na vuvi, na akati ka mwonyo na kutsa.

Kwituluka mu Mashiko 30:19

Njilinakumyana kulyangwila akati ka mwonyo na kutsa, akati ka vivezikiso vya Njambi na visingo, omwo lilu na asi vinapu vukaleo ku litangwa lya lelo. Ngecivene, anguleni mwonyo ngeci mukayoye, yeni na vatekulwila veni,

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

1 Timateo 5:6

Oloni fwile uje alyana ikeye vavenya mu senga yangoco natsi laja, nambe alinakuyoya.

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.

Kujombolola 2:11

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, kutsa kwamucivali kucikavavulumuna.

Kujombolola 20:14

Asinoni kutsa na lifuti lya vatsi vavyumbilile mu lishali lya tuhya. (Eli lishali lya tuhya likelyo kutsa kwamucivali.)

Kujombolola 20:6

Kuvwaelela nakuvezika kwakama kuli vaje vakasanguka a cisangukilo cakulivanga. Kutsa kwamucivali kucesi na nzili ali vakevo, vakapwa vaka-kukombelela va Njambi na Kilistu, co vakashwana amo nendi myaka 1,000.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Maako 3:2

Ikeye walingile eci, ngeci alongese cisemwa na cisemwa ca vaIsalele kulwa nzita, vunene vene kuli vaje kuvalwile nzita ku simbu ya laja.

1 Samwele 14:39

Njilisinga kuli Shukulu Kalunga wakuyoya, ou muka-kuhyanesa Isalele ngwange, woshe uje navulumuna vakamutsiye, nameme vene munange Yonatana.” Oloni naumo wai wendekele.

1 Samwele 14:44

Saulu wendekele kuli ikeye ngwendi, “Njambi anjitsiye nga yove kuutsi!”

1 Samwele 20:31

Kuma yove kuwanangukile ngeci nga Ndaviti ayoya, co kuukasa kupwa mwene mu lifuti lino ndi? Ololo ya ukamushake, napande kutsa!”

1 Samwele 22:16

Mwene wendekele ngwendi, “Ahimeleki, yove na vavushoko vwove voshe munapande kutsa.”