Kushangumuka 2:14 - Livulu lya Shukulu Kalunga

¹⁴ Ndonga yamucitatu yapwile Tingelise, ije yetile mu ngangela ya Asilya, co ndonga yamuciwana ikeyo Yufuleti.

Kushangumuka 2:14 Iomraidhean Croise

Kushangumuka 10:11

Omo watundile mu lifuti lije, co waile ku Asil ya nakukatunga vinganda vya Nenivayi, na Lehombote Ile, na Kala,

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 2:13

Ndonga yamucivali yapwile Ngihone, ikeyo yazengelekele lifuti lya Kushe.

Kushangumuka 2:15

Asinoni Shukulu Kalunga Njambi waakele munu mu lihya lya Endeni ngeci alimemo nakulinyunga.

Kushangumuka 25:18

Co vatekulwila va Ishimela vatungile mukati ka Havila na Shule ku mutambela wa mu ngangela kuyehi na nginga ya Ingito mu ngila yakuya ku Asilya. Vakevo vakele kulyala na vatekulwila vakwavo va Avilahama.

Ezekiyele 23:23

Njikakunenela vaMbambilone na vaKalendeya, na vanalume vakutunda ku Pekonde, na ku Showa, na ku Kowa, na vaAsilya voshe. Njikakungulula voshe vaje vakwenje vavavwa vakufuka na vamyata, na voshe vaje vamyata va vanalume, na vakulunu va vulemu vaka-kwendela a tuvalu.

Ndanyele 10:4

A litangwa lyamumakumi avali na matangwa awana ku ngonde yakulivanga ku mwaka, njemanene ku ngenge ya ndonga yakama, Ndonga ya Tingelise.

Kwituluka mu Mashiko 1:7

Katukeni muye kulutwe, ku lifuti lya malundu lya vaAmoli, na ku lifuti lyoshe lije lyazengelekako, na ku Cana ca Yondau, na ku lifuti lya malundu, na ku cikulo, na mu mbwela, na ku ngenge ya Lishali lya Menditelenyani. Yeni mu lifuti lya Kanana, na musambwa ya Minkinda ya Lembanone, kweta na ku Ndonga yakama ya Yufuleti.

Kwituluka mu Mashiko 11:24

A livu lyoshe aje mukalyata likapwa lyeni. Co lifuti lyeni likaama kutunda ku mambo ya mu mbwela nakweta ku kunto ku Minkinda ya Lembanone, nakutunda ku Ndonga ya Yufuleti mu ngangela nakweta ku Lishali lya Menditelenyani mu kangombe ka yambi.

Kujombolola 9:14

Co lijwi lyendekele kuli uje kangelo wamucitanu na umo ngwalyo, “Zitula tungelo vawana vaje vavanakutu ku Ndonga yakama ya Yufuleti!”