Kushangumuka 18:18 - Livulu lya Shukulu Kalunga

¹⁸ Vatekulwila vendi vakapwa muyati wakama wa nzili, co muli ikeye njikavezikisa miyati yoshe.

Kushangumuka 18:18 Iomraidhean Croise

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Ngalatiya 3:14

Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.